Rejîma sîyonîst, li ber deriyê mizgeftê li kampa Nuseyrat a li navenda Xezzeyê êrîşî beşdarên merasîma cenazeyê şehîdekî kir, di êrîşê de herî kêm 8 kes hatin kuştin û herî kêm 20 kes jî birîndar bûn.

Li gorî çavkaniyên tenduristiyê yên Filistînî û şahidên bûyerê, di êrîşa hewayî ya îşxalkeran a li ser şîniyên ku roja Înê piştî nîvro li kampa penaberan a Nuseyratê ya li navenda Xezzeyê kom bûbûn de, herî kêm heşt kes hatin kuştin û herî kêm 20 kes jî birîndar bûn.

Ajansa Nûçeyan a Safa ragihand ku êrîş di dema merasîma cenazeyê şehîd Tahir Ebdulwahîd de li nêzîkî bazara Balata, li rojavayê kampa Nuseyratê, pêk hat.

Nexweşxaneya El-Ewde ya li Nuseyratê bi daxuyaniyekê got, "Di êrîşa bombebaranê ya hêzên îsraîlê ya li ser komek sivîlên ku li qada bazara Balata ya kampa Nuseyratê ya li navenda Xezzeyê kom bûbûn de, 7 şehîd û 22 birîndar hatin wergirtin."

Ev qetlîam piştî kuştina pênc sivîlên din ji aliyê artêşa îşxalker ve di êrîşên cuda de li seranserê Xezzeyê ji îro sibehê ve tê. (ÎLKHA)