Berdevkê Hêzên Çekdar ên Iraqê Numan ragihand ku Serokwezîr Zeydî serokatiya Dezgeha Îstîxbarata Neteweyî girtiye ser xwe.

Berdevkê Fermandarê Giştî yê Hêzên Çekdar ên Iraqê Sebah Numan, ragihand ku Serokwezîrê Iraqê Alî Zeydî, di çarçoveya planên çareserkirina pirsgirêkên ewlehiyê yên heyî û serweriya temam de, wek serokê Dezgeha Îstixbarata Neteweyî ya Iraqê hatiye wezîfedarkirin.

Sebah Numan, ragihand ku Serokwezîrê Iraqê Alî Zeydî doh serdana baregeha Serwîsa Îstîxbarata Neteweyî ya Iraqê kiriye.

Numan ragihand ku Zeydî bi minasebeta serdana wî serokatiya saziyê girtiye ser xwe. Numan diyar kir ku ev gav li gorî pirsgirêkên heyî û plana temamkirina serweriya welat hatiye avêtin.

Li gorî daxuyaniyek ji Ofîsa Serokwezîrê Iraqê, Zeydî di serdana xwe de tekez kir ku divê Dezgeha Îstîxbarata Neteweyî ya Iraqê ji parvekirina desthilatdariyê di navbera partî, kom û mezheban de cuda were girtin.

Zeydî, bi biryareke ku roja Duşemê ya borî hat dayîn, Hemîd el-Şetrî ji wezîfeya wî ya wekî serokê Dezgeha Îstîxbarata Neteweyî ya Iraqê dûr xist. (ÎLKHA)