Rûsyayê ragihand ku 46 dronên ku ber bi paytext Moskowê ve diçûn ji teref pergalên parastina hewayî ve hatine îmhakirin. Di heman demê de, Ukraynayê diyar kir ku di êrîşên Rûsyayê de 10 kes mirine, di heman demê de Volodîmîr Zelenskî jî bi armancên Rûsyayê yên li Donbasê henekê xwe pê kir.

Karbidestên berevanîya Rûsyayê ragihandin ku êrîşeke berfireh a dronê ya ku ji teref Ukraynayê ve li dijî Moskowê hatibû destpêkirin, ji teref pergalên parastina asmanî ve hatiye astengkirin.

Şaredarê Moskowê Sergey Sobyanin li ser Telegramê ragihand ku neh pêlên cuda yên dronan ên ku ber bi paytextê ve diçûn hatine paşve xistin û bi tevahî 46 balafirên bêmirov hatine xistin.

Sobyanin diyar kir ku di êrîşan de ti qurbanî an jî ziyana maddî ya girîng çênebûye, û ekîbên awarte li deverên ku perçeyên dronên hatine xistin hatine dîtin dixebitin.

Di heman demê de, rayedarên Ukraynayê ragihandin ku di êrîşên Rûsyayê yên li ser Dnipro, Zaporizhzhia û Xarkîvê roja Duşemê de 10 kes hatine kuştin û gelek kesên din jî birîndar bûne.

Nivîsgeha Waliyê herêma Dniproyê ragihand ku di êrîşa bi mûşekan de 6 kes mirine û 29 kes birîndar bûne. (ÎLKHA)