Serokê Parlamentoya Îranê got ku şerekî muhtemel ew ê ji bo Washingtonê pir biha be.

Serokê Parlamentoya Îranê Muhammed Baqir Qalîbaf li rêveberî û gelê Emrîkayê axivî û tekez kir ku şerekî muhtemel bi Tehranê re ti sûdê nade Washingtonê, lê belê ew ê encamên aborî û leşkerî yên pir giran bi xwe re bîne.

Qalîbaf di daxuyaniyekê de li ser hesabê xwe yê medyaya civakî, bi balkişandina ser fîlmekî populer, diyar kir ku divê civaka Amerîkî ji pevçûnek bêwate dûr bisekine. Wî îddîa kir ku pevçûnek leşkerî ya potansiyel ew ê li seranserê gelek deveran, ji bazarên cîhanî bigire heya qurbaniyên leşkerî, bibe sedema krîzan.

Qalîbaf li ser krîzên potansîyel balan kişand

Tesîrên aborî û leşkerî: Hilweşîna bazarên borsayê yên Emrîkayê, xistina balafirên şer, zêdebûneke dramatîk a deynê giştî, enflasyona bêkontrol, û zêdebûneke bilez a qurbaniyên leşkerî yên Amerîkî.

Tehdîda Matrixê: Qalîbaf, diyar kir ku rêyeke yekane ya li pêşiya civaka Amerîkî nehatiye ferzkirin, behsa fîlma "Matrix" kir û got ku divê rastiya çêkirî ya ku tê afirandin were şikandin. Wî diyar kir ku girtina rêya xelet ew ê ji bo gelê Amerîkî wêraniyeke bêveger bîne.

Daxuyaniya herî balkêş ji daxuyaniyê: 

"Her 10 heb jî xirab in; ne sor û ne jî şîn hene, hemû reş in, û ne hewce ye ku hûn yek ji wan bigirin, lê heke hûn bigirin, hûn ê hemûyan di carekê de bigirin; matrîksa çêkirî bişkînin û derkevin." (ÎLKHA)