Rejîma îşxalker û terorîst ji 7ê Cotmehê vir ve ev bû 45 roj e li Xezzeyê qetlîamên xwe didomîne, di encama qetlîama terorîstan de hejmarê şehîdan derket 13 hezarî.

Di êrîşên ku heta niha hatin kirin de zêdetirî 30 hezar Filistînî birîndar bûn ku ji sedî 75ê van zarok û pîrek in.

Rejîma îşxalker, li ber çavê dinyaya ku xwe li korîtîuê dixe 45 roj e qirqirin û komkujîyê dike, sûca herbê li dar dixe.

Sîyonîstên îşxalker yên ku camî, nexweşxane, dibistan, dêr, xanî, cedde, kolan, bazar û cîhên sîvîlan hedef digre, bombeya fosforê yê ku di navneteweyî de qedexe ye bi kar tîne.

Derbarê mijarê de ji teref Ofîsa Medyayê  ya Hikûmeta Xazzeyê ve hat diyarkirin di êrîş û qetlîamên ku tên kirin de 5 hezar û 500 zarok, 3 hezar û 500 kes pîrek bi tevahî zêdetirî 13 hezar kesan şehîd bûn.

Îxbar tên kirin ku 3 hezar û 750 kes hêj di bin enqazan de ne û nehatine derxistin.

Li gorî agahîyên dawî heta niha 95 avahîyên hikûmetê, 255 mekteb û 165 camî hatin hedefgirtin .

Di êrîşên ku hatin kirin de sektora tenduristîyê jî zirareke mezin dît. Hat hînbûn di êrîan de 25 nexweşxane û 52 navendên sihhetê ji ber êrîşan zirar dîtin û nikarin xizmetê bidin. (ÎLKHA)