Li Herêma Xweser a Tibetê ya Çînê, di erdhejeke bi hêza 7 pileyî de 16 kes mirin û 46 kes jî birîndar bûn. Li herêmê, ku bi sedan xanî wêran bûne an jî zirar dîtine, operasyonên lêgerîn û rizgarkirinê berdewam dikin.

Erdhejeke bi pileya 7 li Herêma Xweser a Tibetê ya başûrrojavayê Çînê bû sedema mirinan û ziyaneke mezin. Li navçeya Bachen a bajarê Nakchu, di encama erdhejê de 16 kes mirin û 46 kes jî birîndar bûn.

Li gorî ajansa nûçeyan a fermî ya Çînê Xinhua, ku ji rayedarên herêmî îstifade dike, erdhej roja Pêncşemê 22ê Cotmehê, bi saeta herêmî di saet 10:33ê şevê de çêbûye. Hat ragihandin ku erdhej di kûrahiya 10 kîlometreyan de çêbûye. (ÎLKHA)