Li Balafirgeha Leşkerî ya Teftenazê li gundewarê Îdliba Sûrîyeyê, teqînên bê sedem qewimîn.

Teqîn bi qasî saetek û nîvekê berdewam kirin, di vê demê de tê gotin ku balafireke keşfê li ser herêmê difiriya.

Îro danê sibê li Balafirgeha Leşkerî ya Teftenazê li devera gundewarî ya bajara Îdlib a bakurê rojavayê Sûrîyeyê gelek teqîn çêbûn.

Li gorî agahiyên şahidên bûyerê ku ji hêla nûçegihanê Syria Now ve hatine vegotin, teqînên ku di saet 8:00 de bi dema herêmî dest pê kirine, bi qasî saetek û nîvekê dewam kirine. Li gorî agahiyan, di dema teqînan de balafireke keşfê li ser balafirgehê difiriya.

Wêneyên ku li ser medyaya civakî hatine parvekirin nîşan didin ku ji hundirê balafirgehê dûyek qalind bilind dibe.

Sedema teqînan hêna jî nayê zanîn. (ÎLKHA)