Sekreterê Giştî yê Hîzbullahê Libnanê Naîm Qasim dereheqê zextên bêçekkirinê ya li Libnanê de axivî û hem ji sîyonîstan re hem jî ji Emrîkayê re meydan xwar. Qasim, “Emê teslîm nebin, dev ji pêximkerîyên xwe bernedin”.

Sekreterê Hîzbûllahê Lubnanê Naîm Qasimê ku di bernameya Mûherremê de li Beyrûtê axivî û daxuyanîyên mûhîm da, Emrîka û sîyonîstan tehdît kir.

Qasim weha got: “Emê tu carî çekên xwe nedin rejîma terorê. Emê teslîm nebin. Emê her tim xof û tirsa xwe di dilê wan de dewam bikin. Em tu carî serî natewînin.”

Qasim vê daxuyanîyê piştî teklîf û xeberên ku bila temamî çek û cebilxaneyan di bin qontrola hukûmeta Lubnanê de be daxuyanî da. Ev yek balan kişand.

Temsîlkarê Xusûsî yê Sûrîyeyê yê Emrîkayê Tom Barrack di hefteyên berê de teklîfek li hukûmeta Lubnanê kiribû ku bila hukûmeta Lubnanê temamî mesûliyet û qontrola hêzên bi çek bigre destê xwe. Hîzbûllahê Lubnanê vê pêşnîyarê red kiribû.

Qasim, êrîşên rejîma terorê li dijî Lubnanê jî bibîrxist û got ku  digel agirbesta 27ê Mijdarê dîsa jî rejîma siyonîst êrîşên xwe yên hovane dewam dike. Rejîma siyonîst 3 hezar û 700 caran agirbestê îxlal kirîye. Zêdetirî 200 sîvîl hatine şehîdkirin û bi sedan kes jî birîndar bûne. Rejîma siyonîst ne tenê ji bo Lubnanê ji bo Filistîn, Urdun, Sûrîye û Misirê jî tehdîdeke pir mezin e. Ev rejîm hew tenê êrîşê me muslumanan nake êrîşê cihûyî, xiristîyan û temamî însanan dike. (ÎLKHA)