Tevgera Berxwedana Îslamî ya Filistînê (HAMAS), şehîdkirina sê berxwedêrên ku bi pevguhertina êsîran a “Ji bo Wefayê Azadî” hatibûn serbesthiştin şermezar kir, bal kişand ku îşxalkeran wê nikaribin dengê berxwedanê qut bikin.

Di daxuyanîya ku ji teref HAMASê ve hat belavkirin de hat destnîşankirin ku Mehdî Şawer, Eymen Ebû Dawûd û Bessam Ebû Senîneyê ku di sala 2011an de di çarçoveya “Ji bo Wefayê Azadî” hatibûn serbestberdan û ji Xezzeyê re hatibûn sirgûnkirin ji teref îşxalkeran ve li Xezzeyê bi sûîqestekî rasterast hatin şehîdkirin.

Di daxuyanîyê de weha hat îfadekirin:

“Şehîdên me rûmeta gelê me ne. Van êrîşên namerdî yên rejima îşxalker, ew ê nikaribe îradeya gelê me bişkîne. Dijminê ku bi sûîqestên ewakî dixwaze pêşevanên berxwedanê ji holê rake, bes tenê têkçûna xwe zîdetir îfşa dike.”

HAMASê, îfade kir ku van sûîqestên rejima îşxalker parçeyek xebata, “Tesfîyekirina nîşanên berxwedanê û şikandina hêvîya azadîya gelê Filistînê” ye.

“Xwîna şehîdên me wê beredayî li erdê neherike. Berxwedan, ew ê meşandina rêya wan bidomîne, û micadeleya xwe ya bi temamî ji holê rakirina îşxalê jî berdewam bike. Bedêla wî çi dibe bila bibe.”

Xeyn ji vêya HAMASê bang li civaka navneteweyî û sazîyên mafên însanan jî kir û weha got:

“Divê êdî civaka navneteweyî, rêxistinên mafên însanan û cîhana azad ev bêdengîya xwe xera bike. Li hember sûcên îşxalê ku her roj bikartîne gavên rastîn bêne avêtin, êrîşên wî bêne sekinandin û ev rejim bê darezandin.” (ÎLKHA)