Daxuyaniya dawî ya Serokê Emrîkayê Donald Trump derbarê vekişîna hêzên leşkerî ji îraqê de pirsên li ser vê yekê derxist holê ku gelo îşxala Emrîkayê ya li ser Îraqê bi dawî dibe an tenê şêweyê wê diguhere.

Plana Emrîkayê ya bidawîanîna hebûna xwe ya leşkerî li Îraqê, ji ber hêmanên "îstîxbarat" û "parastinê" yên ku tê gotin ew ê li welat bimînin, nîqaşek nû derxistiye holê.

Li gorî raporek Wall Street Journal, ku ji zarê rayedarekî Pentagonê hatiye girtin, rêveberiya Washingtonê wê hinek ji şiyanên xwe yên îstîxbarat û keşif-çavdêriyê li Îraqê biparêze. Wekî din, hinek pergalên parastina hewayî û leşkerên deryayî yên Amerîkî ew ê ji bo "ewlehiya" tesîsên dîplomatîk û şandeyan li welat bimînin.

Têxistina şiyanên îstîxbarat û keşfê di nav hêmanên leşkerî yên ku ji bo şopandina pêşketinên ewlehiyê têne bikar anîn de, pirsên li ser plana Emrîkayê ya ji bo vekişîna tevahî ji Îraqê derdixe holê.

Di vê çarçoveyê de, her çend hinek leşkerên Amerîkî ji welat derdikevin jî, îddîayên ku şiyanên îstîxbaratê, pergalên parastina hewayî û hêmanên Deryayî wê li Îraqê bimînin, fikaran zêde dikin ku hebûna leşkerî ya Amerîkî dibe ku bi tevahî biqede, lê dibe ku veguhere avahiyek cûda. (ÎLKHA)