Rayedarên Efxenî li wîlayeta Helmandê li başûrê welat dest bi avakirina sê navendên tenduristiyê yên nû kirine.

Wezareta Tenduristiyê ya Emîrtîya Îslamî ya Efxenistanê di daxuyaniyekê de ragihand ku avakirina sê navendên tenduristiyê yên nû li wîlayeta Helmandê li başûr dest pê kiriye, wekî beşek ji hewildanên berfirehkirina gihîştina xizmetên tenduristiyê yên bingehîn li herêma ku ji şer tesîrdar bûye.

Li gorî daxuyaniya wezaretê, projeyên ku bi tevahî nirxê wan 72 milyon Efxenî ye (zêdetirî 1.13 milyon dolarê Amerîkî), ew ê xizmetê ji niştecihên navçeyên Nad Alî, Grişk û Sangîn re bikin.

Tê texmînkirin ku ev pêşveçûn gihîştina lênihêrîna tenduristiyê ji bo bi hezaran niştecihên ku li derdora van deveran dijîn bi girîngî baştir bike.

Hikûmeta Efxenistanê armanc dike ku li her navçeyek welat herî kêm tesîseke tenduristiyê ava bike. Hikûmet hewl dide ku pergala tenduristiya giştî ya welatekî ku hêna jî ji îşxalkirina dehsalan xelas dibe, xurt bike. (ÎLKHA)