Li Şerîaya Rojava berxwedana li dijî îşxalkeran berdewam dike. Di 24 saetên dawî de di 15 xwepêşandanên cuda de siyonîstek hat kuştin û çar leşker jî birîndar bûn.

Navenda Agahdariyê ya Filistînî "Ma'ta" ragihand ku di nav 24 saetên dawî de li Şerîaya Rojava ya îşxalkirî 15 çalakiyên berxwedanê yên cuda pêk hatine. Di encama van çalakiyan de, yek ji parêzvanên ewlehiyê yên sîyonîst hatiye kuştin û çar kesên dinê jî birîndar bûne.

Di çalakîyeke bi kêr û çekê li nêzîkî wargeha Gush Etzionê hat lidarxistin de, qaşo parêzvanekî ewlehiyê hat kuştin.

Li gundê Rumana yê nêzîkî Cenînê, leşkerekî îşxalker bi kêrê birîndar bû. Ciwanên Filistînî li navçeya Turmusayya ya Ramallahê û li navçeyên Huwwara û Masudiye yên Nablusê jî li dijî niştecihên wargehê li ber xwe dan.

Şer û pevçûn li Kampa Penaberan a Dehîşeh li Beytlahîmê, Kampa Penaberan a Qalandiya li Qudsê, Turmusayya li Ramallahê, Mesudiye li Nablusê û bajarokên Halhul û Surif li El Xelîlê giran bûn. Li van deveran car caran di navbera ciwanan û hêzên îşxalker de pevçûnên tund derdikevin.

Gelê Şerîaya Rojava li dijî zilm û zordariya îşxalê ya berdewam, her ku diçe li ber xwe dide. (ÎLKHA)