Di bernameya lêpirsînê ya "Tiştê ku Veşartî ye Mezintir e" de, qeydên ku berê nehatine weşandin ên têkildarî jiyana Muhammed Deîf û serokatiya wî ya Tûgayên Qessam, û her weha belgeyên têkildarî pêvajoya amadekariyê ya Operasyona Eqsayê, hatin parvekirin.

Bernameya El Cezîreyê ya bi navê "Tiştê ku veşartî dimîne mezintir e" paşxaneya û çalakiyên leşkerî yên Muhammed Deîf, fermandarê giştî yê Tûgayên Îzzeddîn el-Qessam, lêkolîn kir.

Di nav naveroka ku cara yekem di bernameyê de ji raya giştî re hat pêşkêşkirin de wêne û qeydên civînên rêveberiya leşkerî ya Tûgayên Qessam hebûn. Belgeyên têkildarî paşxane, amadekarî û merhaleyên biryargirtinê yên Operasyona Eqsayê jî hatin weşandin.

Çîrokeke ji zarokatiya wî heta kariyera wî ya leşkerî

Di qeydê hatine weşandin de, Deîf behsa jidayikbûna xwe li Xan Yunisê di sala 1965an de, koka malbata xwe û dema xwendina biyolojiyê li zanîngehê kir. Têkiliya wî bi şanoyê re berî karîyera xwe ya leşkerî jî di nav hûrguliyên ku di bernameyê de cih girtine de bû.

Di nîqaşê de her wiha desteserkirin û girtina Deîf ji aliyê rejîma îşxalker ve di sala 1989an de, lêpirsîna wî û destpêkirina perwerdehiya leşkerî ya piştî serbestberdana wî hatin nîqaşkirin.

Bernameyê her wiha agahî li ser derbasbûna şervanan bo Şerîaya Rojava, hevrêzkirina çalakiyên li ser erdê, avakirina hêzên hevbeş û operasyonên ku li herêmê têne kirin, dihewîne.

Şehadeta wî di 30ê Çileya 2025an de hate ragihandin

Ebû Ubeyde di 30ê Çileya 2025an de ragihand ku Muhammed Deîf di Tîrmeha 2024an de di êrîşeke asmanî ya rejîma îşxalker de li herêma El-Mewasîh a Xan Yûnisê şehîd bûye. Di daxuyaniyê de her wiha şehîdbûna fermandarên din ên leşkerî, hate ragihandin.

Di dîmenên ku hatine weşandin de agahî hene ku hemû fermandarên Qessam ê yên ku berîya Tofana Eqsayê beşdarî civîna ku di bin serokatiya Muhammed Deîf de hatibû lidarxistin bûne, şehîd bûne. (ÎLKHA)