Fatma Muhaciranî got, "Tesîsên me yên nukleerî zirareke cîddî dîtine, lê hêna jî ji bo danûstandinan dîrokek nehatiye destnîşankirin. Dibe ku ev yek di demek nêzîk de çênebe."

Berdevka Hikûmeta Îranê di civîna çapemeniyê ya heftane de weha got:

Derket holê ku dijmin gelê Îranê nas nake

Muhaciranî got, "Wekî gelekî ku baweriya xwe bi gihîştina Xwedê bi rêya şehadetê tîne, me di vî şerî de destkeftiyên mezin bi dest xistin. Me hem êrîş kir û hem jî rastî êrîşê hatin, lê ji ber ku me hesta yekîtiya neteweyî vejand û li dijî dijmin şer kir em serketî bûn. Dijmin difikirî ku ew ê gel derxin kolanan, lê derket holê ku ew Îranîyan nas nakin."

Ziyanên ji ber êrîşan

Berdevka hikûmetê diyar kir ku li gorî daneyên saziya tib a edlî, di encama êrîşan de 935 kes şehîd bûne, ku ji wan jî 140 kes jin û zarok in.

Hinek bûyer hebûn ku tê de 12 endamên malbatekî şehîd bûn.

Li gorî daneyên dawî yên Wezareta Tenduristiyê, 5646 kesên birîndar serî li nexweşxaneyan dane. Xizmet ji bo van kesên birîndar ji kapasîteya normal a nexweşxaneyan zêdetir hatiye dayîn.

Herwiha, di êrîşan de 11 ambulans hatin wêrankirin, 9 karmendên tenduristiyê û 5 rayedarên Heyva Sor şehîd bûn.

Nirxandina rewşa NPTê

Muhaciranî di dawîya daxuyanîya xwe de weha got:

"Li gorî prensîbên NPT, divê ev êrîş bi zelalî were şermezarkirin. Di heman demê de, di çarçoveya NPT de, heqê me heye ku em hevkariyê rawestînin û em dikarin bi xwe jî vê yekê ragihînin. Ger ev mijar bibe qanûn, em ê li gorî berjewendiyên xwe yên neteweyî biryaran bidin." (ÎLKHA)