Siyonîstên îşxalker li Xezzeyê kon û dibistanên ku sîvîl lê diman hedef girtin. Di êrîşên tevahiya rojê de herî kêm 74 Filistînî şehîd bûn û bi dehan kes jî birîndar bûn.

Di êrîşa artêşa îşxalker a li ser sîvîlên ku li nêzî Qereqola Şehîdan a li Kampa Bureyc a li navenda Xezzeyê sekinîbûn de şeş kes şehîd bûn û gelek kes jî birîndar bûn.

Di êrîşa hewayî ya li dora Dibistana Halîme el-Sa'diyeyê de, ku xelkê koçber li Cibaliyeyê lê bicih bûbûn, 3 kes şehîd bûn û gelek kes, di nav wan de zarok jî hebûn, birîndar bûn.

Di êrîşeke li ser çadirekê li Kampa Penaberan a Xan Yûnis de, 2 jê zarok 3 kes şehîd bûn. Her wiha, di êrîşeke li ser avahiyeke apartmanan a li navenda bajarê Xezzeyê de, jinek şehîd bû û gelek kes birîndar bûn.

Ji bilî van hemû êrîşan, pitika 3 mehî Cûrî el-Mesrî li Dêr el-Belah ji ber birçîbûn û tinebûna xwarina zarokan a ji ber dorpêça sîyonîstan canê xwe ji dest da.

Çavkaniyên tenduristiyê li Xezzeyê ragihandin ku ji sibeha îro ve di êrîşên ku ji teref îşxalkeran ve hatine destpêkirin de bi tevahî 74 Filistînî şehîd bûne û 13 ji van kesan dema ku li benda alîkariyê bûn rastî êrîşê hatine.

Careke din hatiye belgekirin ku sîvîl rasterast hedefa êrîşan in. (ÎLKHA)