سوپای داگیرکەر فەرمانی چۆڵکردنی ٢٠ شارۆچکەی باشووری لوبنانی دەرکرد و هەڕەشەی هێرشی کرد. ئەم هەڕەشەیە سەرەڕای ڕێککەوتنی ئاگربەست کە لە ئێستادا لە نێوان لایەنەکاندا کاری پێدەکرێت، هاتە ئاراوە.

سەرەڕای ڕێککەوتنی ئاگربەست، سوپای داگیرکەر هەڕەشەی هێرشی نوێی کردووەتە سەر چەندین شوێنی نیشتەجێبوون لە باشووری لوبنان.

وتەبێژی سوپای داگیرکەر، ئەڤیخای ئەدرەعی، لە بەیاننامەیەکدا لە هەژماری تایبەتی خۆی لە سۆشیال میدیا، داوای لە هاوڵاتیانی مەدەنی دانیشتووی باشووری لوبنان کردووە ماڵەکانیان بەجێبهێڵن.

لە ڕاگەیەندراوەکەدا باس لەوە کراوە کە حزب الله ئاگربەستی پێشێل کردووە و هەڕەشەی کردوە بە ئامانجگرتنی شارۆچکەکانی دەیر زەهرانی، نیمەیرییە، شەرقییە، دووەیر، خەروف، حەبوش، کفر جەوز، زیبدین، نەباتیەی خواروو، نەباتیەی سەروو ، کفر رومان، مەحمودییە، ساجید، ڕەیحان، ئارماتا، کەفر حونا، میلەح، . لووەیزا و جەرجو و عەرەبسەلیم.

سوپای داگیرکەر فەرمانی بە دانیشتوانی ئەو ناوچانە کرد کە ڕوو لە باکووری ڕووباری زەهرانی بکەن. ڕووباری زەهرانی دەکەوێتە باشووری سیدون و نزیکەی ٥٠ کیلۆمەتر لە بەیروتەوە دوورە.

ئەم هەڕەشەیە سەرەڕای ڕێککەوتنی ئاگربەست کە لە نێوان لوبنان و رژێمی سەهیۆنیدا کاری پێدەکرێت، هاتە ئاراوە. سەرەڕای ئاگربەست و ڕێککەوتنەکانی درێژکردنەوەی بە نێوەندگیری ئەمریکا، هێرشەکانی سوپای داگیرکەر بۆ سەر لوبنان بەردەوامە.

بەپێی داتاکانی وەزارەتی تەندروستی لوبنان، لە ٢ی ئادارەوە تا ئێستا ٣ هەزار و ٦٦٦ کەس لە هێرشەکانی سوپای داگیرکەر بۆ سەر ئەو وڵاتە گیانیان لەدەستداوە.

پلانی تۆکمەی ئاگربەست کە لە ٣ی حوزەیران لە ڕێگەی دەستپێشخەرییەکانی ئەمریکاوە ڕاگەیەندرا، مەرجی ئەوە بوو کە حزب الله هێرشەکانی ڕابگرێت و هێزەکانی لە باشووری ڕووباری لیتانی بکشێنێتەوە. بەڵام حزب الله ڕایگەیاندووە کە ئەو مەرجانە قبوڵ ناکات و سوپای داگیرکەر بەردەوامە لە هێرشەکانی.(İLKHA)