حەماس: گواستنەوەی هێڵی زەرد لە غەززە پێشێلکارییەکی ئاشکرای ئاگربەستە
13 oC
13 oC
Güneşli
13 oC
Güneşli
حازم قاسم، وتەبێژی بزووتنەوەی خۆڕاگری ئیسلامیی حەماس جەختی کردەوە کە هەنگاوی سوپای رژێمی سەهیۆنی لە گواستنەوەی "هێڵی زەرد" بەرەو ڕۆژئاوا لە شاری غەززە، هاوڕێ لەگەڵ بۆردومان و ئاوارەکردنی خەڵکی ئەم ناوچەیە، پێشێلکارییەکی ئاشکرای ڕێککەوتنی ئاگربەستە.
قاسم ئەمڕۆ هەینی ڕایگەیاند ئەم هەنگاوە، جێبەجێکردنی کرداریی هەڕەشەکانی بەناو سەرۆک وەزیرانی رژێمی سەهیۆنییە بۆ زیادکردنی ئاستی کۆنترۆڵکردن بەسەر کەرتی غەززەدا؛ ئەوەش لە سایەی بێدەنگیی دامەزراوەی ناسراو بە "ئەنجوومەنی ئاشتی" و بەڕێوەبەرەکەی، نیکۆلای ملادینۆڤ، و هەروەها بێتوانایی وڵاتانی نێوەندگیر و زامنکار لە ڕێگریکردن لەم پێشێلکارییە نوێیە.
وتەبێژی حەماس زیاتر وتی کە ئەم دەستدرێژییانە هاوکات لەگەڵ دانوستانەکانی ئێستای قاهیرە و لە بارودۆخێکدا ئەنجام دەدرێن کە گرووپە فەلەستینییەکان هەڵوێستێکی ئەرێنییان لە خۆیان نیشان داوە.
ناوبراو جەختی کردەوە کە ئەم هەنگاوانەی رژێمی سەهیۆنی دەریدەخات کە ئەم رژێمە ئیرادەی بۆ جێبەجێکردنی ڕێککەوتنی ئاگربەست نییە و بەدوای تەقاندنەوەی ڕێڕەوی دانوستانەکان، سەرنەخستنی هەوڵە ئەنجامدراوەکان و بەردەوامبوونی پەرەسەندنی گرژییەکانە بۆ خزمەتکردن بە حیساباتە سیاسی و هەڵبژاردنەکانی خۆی.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
مەحموود مەرداوی ڕایگەیاند کە ئەوان، جوانترین دیمەنەکانی پابەندبوون بە خاک و خۆڕاگرییان لە ڕێگەی بەجێگەیاندنی نوێژی هەینی لەو زەوییانەی هەڕەشەی دەستبەسەرداگرتنیان لەسەرە، نیشان دا.
لە ئەنجامی هێرشێکی چەکداری لە ویلایەتی تێکساسی وڵاتی ئەمریکا لە ئەنجامی هێرشێکی چەکداری کەسێک کوژرا و ١١ کەسیش بریندار بوون.
پاکستان هۆشداری دا لەوەی هەر هەوڵێکی هیندستان بۆ سنووردارکردنی ڕۆیشتنی ئاو، بەپێی پەیماننامەی ئاوەکانی سیند سەقامگیری ناوچەکە دەخاتە مەترسییەوە و کردەوەیەک دەبێت کە لێکەوتەی زۆر جددی دەبێت.
لە شارۆچکەی دورا و ئیزنا لە ئەلخەلیل، سەدان فەلەستینی نوێژیان لەسەر ئەو زەویانە کرد کە داگیرکەرانی سەهیۆنی و چەتەکانی جولەکە هەوڵی دەستبەسەرداگرتنی دەدەن و جەختیان لەوە کردەوە کە بەرگری لە زەوییەکەیان دەکەن.
