زریانێکی بەفری توند لە ویلایەتی کالیفۆرنیای ئەمریکا، بەفربارینی لێکەوتەوە. ئۆپەراسیۆنەکانی گەڕان و ڕزگارکردن بۆ نۆ خلیسکەساز کە لە ژێر بەفردا گیریان خواردووە بەردەوامە.

درەنگانی ڕۆژی سێشەممە، کۆمەڵێک لە ١٥ کەسی لە بەفربارینێکدا گیریان خوارد. نووسینگەی شەریفی ویلایەتی نیڤادا ڕایگەیاندووە، شەش خلیسکەساز بە برینەکانیان بە پلەی جیاواز ڕزگارکراون. دوو لە بریندارەکان گواستراونەتەوە بۆ نەخۆشخانە.

بارودۆخی نالەباری کەشوهەوا و بەفربارینی زۆر و کەمبوونەوەی تیشکی ڕۆژ هەوڵەکانی گەڕان قورس دەکات. تا ئێستا نۆ کەسەکەی تر نەدۆزراونەتەوە.

ڕاپۆرت کرا کە ٤٦ کارمەندی فریاگوزاری بەشدارییان لە ئۆپەراسیۆنەکانی گەڕان و ڕزگارکردندا کردووە، هەروەها تیمە ڕاهێنراوەکانی سکی فریاگوزاری لە هۆتێل و شوێنەکانی خلیسکێنەی نزیکەوە پشتگیریان لە هەوڵەکان کردووە.

بەهۆی بەردەوامی ئەو زریانە لە زنجیرە چیای سیرا نیڤادا، زانایانی کەشناسی هۆشدارییان داوە لەو بارودۆخەی کە بە "شاشەی سپی" وەسف دەکرێت، کە مەودای بینین زۆر کەم بووەتەوە.

سەنتەری بەفربارین لە سیێرا ڕایگەیاند کە مەترسی بەفربارین لە ناوچە شاخاوییەکان لە ئاستێکی "بەرز"دایە، و مەترسییەکە دەتوانێت بە درێژایی ڕۆژی چوارشەممە بەردەوام بێت.

لە ناوچەی سیێرا پێشبینی دەکرێت لە ٤٨ کاتژمێری داهاتوودا ناوچەکانی سەرووی ١٠٠٠ مەتر نزیکەی ٢.٥ مەتر بەفربارین و خێرایی با بگاتە ٩٠ کیلۆمەتر لە کاتژمێرێکدا.

لە وەرزی زستانی ئەمساڵدا لە ئەمریکا بەهۆی بەفربارین شەش کەس گیانیان لەدەستداوە.(İLKHA)