رژێمی داگیرکەری سەهیۆنی بەردەوامە لە پێشێلکردنی ئاگربەست لە غەززە و لە ئەنجامی هێرشەکاندا لانیکەم ٦ کەسی دیکە شەهید بوون و ژمارەیەکی زۆر کەسیش بریندار بوون.

رژێمی داگیرکەری سەهیۆنی لەگەڵ تێپەڕبوونی زیاتر لە ٤ مانگ بەردەوامە لە پێشێلکردنی ئاگربەست لە کەرتی غەززە. رژێمی داگیرکەر ڕۆژی دووشەممە بەردەوام بوو لە هێرشەکانی بۆ سەر غەززە و لە ئەنجامی هێرشەکاندا لانیکەم ٦ کەس شەهید بوون و ژمارەیەکی زۆر کەسیش بریندار بوون.

لە ئەنجامی بۆردومانکردنی باڵەخانەیەک لە ناوچەی سوەیدی نەسر ٤ فەلەستینی بە ناوەکانی ئیبراهیم فەرید زەعنین، ئەحمەد سوەیلیم، عاتیە شەبات و کچەکەی لەمیعە شەهید بوون. هێرشێکی دیکە لە بەیت لاهیا ئەنجام درا و لە ئەنجامی تەقەی داگیرکەران فەلەستینیێکی ٥٤ ساڵە بە ناوی نەبیل محەمەد ئەحمەد ئەلرەحل شەهید بوو. لە ڕۆژهەڵاتی دێر بەلەح جووتیارێکی فەلەستینی بە ناوی خالد بەرەکە بە تەقەی داگیرکەران شەهید بوو.

رژێمی داگیرکەری سەهیۆنی بە فڕۆکەی بێ فڕۆکەوان هێرشی کردە سەر ماسیگرێکی فەلەستینی لە رەفەح و لە ئەنجامی هێرشەکەدا بریندار بوو. داگیرکەران هێرشێکی چڕیان بۆ سەر دەوروبەر قوتابخانەی ئەلفەلاح لە گەڕەکی زەیتوون لە شاری غەززە ئەنجام دایەوە و بە ڕۆبۆتەکانی بۆمبڕێژکراو وێرانکاریێکی گەورەی لە ناوچەکە ئەنجام دایەوە.

ڕۆژهەڵاتی خان یونس بووە ئامانجی داگیرکەران و باڵەخانەکان بە تەقەمەنی ڕوخێنران. هەروەها کەشتییە جەنگییەکانی داگیرکەر لە کەنارئاوەکانی خان یونسەوە تەقەیان کردە ناو دەریا.

لە ١٠ی ئۆکتۆبەری ٢٠٢٥ لە نێوان رژێمی داگیرکەر و بەرەی بەرخۆدان ئاگربەست ڕاگەیەندرا بەڵام رژێمی داگیرکەر بەردەوامە لە پێشێلکردنی ئاگربەست و بەهۆی هێرشەکان سەدان کەس شەهید و بریندار بوونەتە.(İLKHA)