Serokê MHPê Devlet Bahçelî tekez kir ku di têkoşîna li dijî terorê de paşve gav nayê avêtin, ew li pişt her tiştê ku gotine ne û qebûlkirina paşvekişandinê ne mimkûn e.

Bahçelî piştî merasîma vekirina Dibistana Sîyaset û Rêbertiyê bi rojnamevanan re axivî û pirsên li ser bûyerên rojane bersivand û diyar kir ku divê her kes bi ruhê biratiyê tevbigerin. Wî bi tundî rexne li hedefgirtina wezîran bi rêya lêpirsînên fonê kir û got ku sûcdarkirinên ku berî pêvajoya qanûnî temam bibin tenê ew ê alozîyên sîyasî zêde bikin.

Bahçelî got, "Berî ku encamek bi dest bikeve, sûcdarkirinên wiha li dijî wezîrên me û şîroveyên li ser bingeha texmînên li ser nasnameyên wan pêşkêşkirina wan xiyanet li sîyasetê û bêrêzî li hember mirovahiyê ye." û her wiha got ku sîyaseta "Tirkîyeyek bê Teror" ji aliyê dezgehên rêveber, yasadanîn û dadweriyê ve bi awayekî saxlem tê meşandin.

Bahçelî diyar kir ku divê di çarçoveya qanûnê de hinek komîte bi lez û bez werin xebitandin û wiha got, "Di têkoşîna li dijî terorê de veger tune. Qebûlkirina paşvekişandinê ne mimkûn e. Ji ber vê yekê, divê her kes bi ruhê biratiyê tevbigerin." (ÎLKHA)