Tê texmînkirin ku îro li Stenbolê, bi taybetî li aliyê Anadoluyê, ji nîvro pê ve, baran zêde bibe. AKOM ragihand ku dibe ku li hinek deveran heta 100 kîlogram baran li ser metreçargoşeyî bibare.

Piştî barana zêde ya ku di nîvê hefteyê de li Stenbolê barî û rekora baranê ya 84 salên dawî şikand, tê texmînkirin ku pêlek nû ya baranê tesîrê li bajêr bike.

Li gorî nirxandinên meteorolojîk, tê texmînkirin ku îro baran li herêmê pir zêde be, û piştî nîvro jî li hinek deveran, bi taybetî li aliyê Anadoluyê yê Stenbolê, pir zêde û dijwar bibare.

Wezareta Karên Navxweyî her wiha hişyarî da welatiyan ku ji ber barana zêde û bahozên dijwar baldar bin û tedbîran bigirin.

Ji ber ku tê texmînkirin baran li Stenbolê tevahiya rojê bibare, talûkeya lehîyê û şelalê hêna jî heye. (ÎLKHA)