Şênîyên Akarsu û taxên derdorê yên navçeya Nisêbîn a Mêrdînê, diyar kirin ku 3 roj in ceryana wan qut bûye, ji bo girtina rêyan xwepêşandanek lidar xistin û Rêya Hevrîşimê ya Navneteweyî ji trafîkê re girtin.

Şênîyên gundê Akarsu û taxên derdorê yên navçeya Nisêbînê piştî ku diyar kirin ku sê roj in ceryana wan qut bûye, xwepêşandanek li dar xistin.

Niştecihên deverê îddîa kirin ku qutbûna ceryanê ji ber Dicle Elektrikê çêbûye û wan bihîstiye ku ceryan nayê vegerandin.

Li gorî niştecihan, çend meh berê, hinek malan ji ber bikaranîna ceryana qaçax fatûreyên di navbera 30.000 û 100.000 Lîreyên Tirkî ji wan re hatîye dayîn. Niştecih îddîa dikin ku piştî ku wan li dijî van fatûreyan derketine û gotine ku ew ê nedin, elektrîk li taxê bi tevahî hatiye qutkirin û sê roj in qut bûye.

Welatiyan her wiha îddîa kirin ku ew di gihîştina xizmeta xerîdaran de zehmetiyan dikişînin û hinek hejmarên telefonê hatine astengkirin.

Niştecihên taxê, diyar kirin ku bi qasî 4 hezar kes ji ber qutbûna ceryanê tesîrdar bûne, daxwaz kirin ku pirsgirêk were çareser kirin û ceryan dîsa were vegerandin. (ÎLKHA)