Ji bo piştgirîkirina Konvoya Berxwedana Mexribê, ku ji bo şikandina dorpêça alîkariya mirovî ya li ser Xezzeyê û balkişandina ser qirkirina li Xezzeyê pêk hatiye, û ji bo şikandina dorpêça alîkariya mirovî bi rê ketibû, ji teref Weqfa Evîndarên Pêxember ve li Dîyarbekirê "Meşa Xezzeyê ya Cîhanî" hate lidarxistin.

Dîyarbekir, ku ji 7ê Cotmeha 2023an vir ve gelê Xezzeyê li her platforman bi tenê nehiştiye, careke din di bin serokatiya Weqfa Evîndarên Pêxember de Ji bona ku piştgiriyê bide Konvoya Berxwedana Mexribê ku ji bo şikandina dorpêça alîkariya mirovî dest bi meşê kiribû li meydanan bû.

Şêniyên bajarê Dîyarbekirê li Bulwara Firatê ya navçeya Kayapinarê kom bûn û bi tekbîr û sloganan ber bi çarrêya Pira Yenîhalê ve meşîyan.

Daxuyaniya çapemeniyê ya li Çarrêya Pira Yenîhalê hat dayîn, li ser navê Weqfa Evîndarên Pêxember ji teref Mehmet Emîn Gûlsever ve hat xwendin.

Gulsever, ku daxuyaniya xwe bi ayeta "Yên ku zilmê dikin dê zû bizanin ka ew ê çawa werin hilweşandin" dest pê kir, diyar kir ku tiştên ku ji 7ê Cotmeha 2023an vir ve li Xezzeyê diqewimin di rûpelên herî tarî yên dîrokê de cihê xwe girtine, êrîş ji 600 rojan zêdetir berdewam dikin, Xezzeyê veguherandine wêraniyê û rûmeta mirovan hatiye îxlalkirin.

"Berxwedanê ewên ku di xew de bûn şiyar kirin"

Gulsever got ku rejîma îşxalker di komkujiya li Xezzeyê de zêdetirî 63 hezar Misilman şehîd kirin û wiha got: "Ji van şehîdan zêdetirî 18 hezar zarok bûn. Hemû endamên 2 hezar û 483 malbatên Filistînî şehîd bûn û ev malbat ji qeydên nifûsê hatin jêbirin. Nêzîkî ji sedî heftêyê şehîdan zarok, jin û kal û pîr bûn. Di êrîşên sîyonîstan de zêdetirî 42 hezar zarok bê dê û bav man. Rejîma îşxalker hewl dide ku zarok, jin, kal û pîr û sivîlên li Xezzeyê bi tevahî ji holê rake. Endamên çapemeniyê yên ku cîhanê ji sûcên şer ên rejîma siyonîst agahdar dikirin hatin qirkirin û hewl hat dayîn ku komkujî were veşartin. Di vê pêvajoyê de 226 rojnamevan şehîd bûn."

Gûlsevera ku tekez kir ku gelên cîhanê li dijî zilmê li Xezzeyê rûmeta mirovan girtine û bi gavên wêrektir ji dewletan di bin heman banî de kom bûne û got, "Gelên cîhanê li dijî zilmê bûne yek deng, yek nefes. Gel qîrîna bindestan dibihîze û bertekên xwe tîne ziman. Helwesta bi biryar û rast a gelê Xezzeyê ji bo gelên cîhanê bûye mizgînîyek, rêberek û rêyek. Berxwedanê ew kesên ku di xew de bûn şiyar kiriye. Wijdan rabûye, kolan tijî bûne, meydan li dijî zilmê bûne yek dil."

"Êrîşên rejîma sîyonîst a li ser Îranê nîşana wê yekê ye ku îşxal ber bi astên herêmî ve diçe"

Gûlsever bal kişand li ser dorpêça li ser deriyê sînor ê Refahê û li ser geşedanên dawî jî axivî û Weha got:

"Gelek çalakvan ji bo şikandina dorpêça alîkariya mirovî ya li ser Xezzeyê înîsiyatîfên sivîl digirin. Konvoya Berxwedana Mexribê niha li Lîbyayê ye û ber bi Xezzeyê ve dimeşe. Çalakvanên ji çar aliyên cîhanê li Qahîreya paytexta Misrê ji bo 'Meşa Xezzeyê ya Cîhanî' civîyan. Bi hezaran çalakvanan rûmeta mirovahiyê girtin ser xwe. Wijdanê mirovahiyê bi 'Meşa Xezzeyê ya Cîhanî' ber bi Derîyê Sînor ê Refahê ve dimeşe. Em jî ji bona ku bibin deng û nefesa vê meşê ber bi meydanan ve herikîn. Bi van hemû pêşketinan re, dewletên cîhanê rola sê meymûnan dilîzin, hiqûqa navneteweyî tê îxlalkirin, û dewletên cîhanê li hember zilma serdema nûjen kor, kerr û lal in. Sazî û dewletên navneteweyî pişta xwe didin gelê bindest ê Xezzeyê. Qirkirina li Xezzeyê diqewime rûyê tarî û kirêt ê serdema nûjen nîşan dide."

Gûlsever got, "Welatên ku piştgiriyê didin berxwedanê ji tiliyên destekî derbas nabin. Libnan, Yemen û Îran, ku li kêleka gelê Xezzeyê û berxwedanê ne, rastî êrîşê tên. Êrîşên rejîma sîyonîst ên li ser Xezzeyê, Libnan, Yemen, Sûrîye û Îranê nîşan didin ku îşxalkirin ber bi aliyên herêmî ve diçe. Rejîma sîyonîst, ku bi xeyala 'erda sozdayî' tevdigere, tehdîdan li herêmê dike. Piştî Filistîn, Libnan, Yemen, Sûrîye û Îranê, hedefa wê ya din Tirkiye ye. Li dijî zilma sîyonîst divê hêzek mudaxeleyê ya herêmî were avakirin û gavên berbiçav werin avêtin. Welatên xwedî wijdan, di serî de Tirkîye, divê vê hêzê ava bikin. Divê 'Îttîfaqa Qudsê' were avakirin û Xezze, Quds û Mescîda Eqsa ji îşxalê werin rizgarkirin."

"Divê Tirkîye piştgiriyê bide cîranê xwe Îranê ku li kêleka Filistînê ye"

Gûlsever bi ayeta "Heta ku zilm û zordarî bi temamî ji holê rabin û serwerî tenê ya Xwedê be, bi wan re şer bikin. Ger ew neheqiyê biqedînin, xeyn ji zalimên dinê tu dijminatî tune ye" axaftina xwe berdewam kir û daxwazên xwe ji gelên azad ên cîhanê û serokên dewletên xwedî wijdan wiha rêz kir:

"Em êrîşên rejîma îşxalker a sîyonîst ên li ser Lubnan, Yemen, Sûrîye û Îranê şermezar dikin. Divê li dijî helwesta berfireh û êrîşkar a rejîma îşxalker tedbîrên tund werin girtin. Divê Tirkîye û welatên herêmê hêzên xwe bikin yek.

-Divê Tirkîye piştgiriyê bide cîranê xwe Îranê, ku li kêleka Filistînê ye.

-Divê li dijî rejîma siyonîst, ku tehdîdek herêmî ye, alternatîfên leşkerî werin danîn ser maseyê. Divê operasyoneke parastina aştiyê were destpêkirin.

-Em Misirê ji ber sabotajkirina Meşa Wijdanê ya Cîhanî şermezar dikin. Divê Tirkîye hişyariyên pêwîst bide Misirê.

-Ji bo parastina rûmeta mirovahiyê, divê derîyên sînor bi lez û bez werin vekirin. Divê krîza mirovî ya li Xezzeyê di zûtirîn dem de bi dawî bibe.

-Divê HAMAS, Hêzên Neteweyî yên îro, ji hêla sîyasî, burokratîk û leşkerî ve werin piştgirîkirin.

-Divê piştgiriya çek, cebilxane, lojîstîk û teknolojîk ji berxwedana li dijî rejîma îşxalker re were dayîn.

- Ji bo vegera peymana agirbestê, divê rejîma îşxalker rastî cezayên cîddî were.

-Divê şertên HAMASê yên ji bo agirbesteke daîmî li Xezzeyê werin piştgirîkirin.

-Berdewamkirina boykotkirina berhemên ku piştgirîya rejîma îşxalker a sîyonîst dikin. Bila em ji bîr nekin ku boykot çeka herî mezin e. Divê em bi hişmendiya boykotkirina ji bo jiyanê tevbigerin, ne tenê ji bo demekê.

- Heta ku rejîma îşxalker a sîyonîst ji deryayê re bê avêtin û ji ser nexşeyê bê jêbirin em ê bi biryardarî parastina doza Qudsê bidomînin.

Silav ji bo gelê qehreman ê Xezzeyê, ji bo rêberên wan ên ku bi rûmet li xwe kirine, ji bo mucahîdên ku li dijî îşxalkerên sîyonîst li ber xwe didin. Bila aşitî, rehmet û bereketa Xwedê li ser we be. Eamnetê Xwedê bin." (ÎLKHA)