Piştî hişyariya ji meteorolojiyê, barana zêde li Stenbolê tesîrek xerab li ser jiyana rojane kir. Li hinek navçeyên bajêr, heta 95 kîlogram baran li ser her metrekareyek barî, ji ber vê yekê ajokaran di rêyên ku ji ber avê derbas dibin de zehmetî kişandin. Hinek rêyên binî, xanî û kargeh jî di bin avê de man.

Piraniya Tirkiyeyê, bi taybetî Stenbol, di bin tesîra hewaya sar a ji Balkanan tê û sîstemeke baranê ya ji Deryaya Navîn tê de ye.

Barana ku doh sibê li bajêr dest pê kir, bi taybetî li derdora Bosforê û li beşên bakur û navîn ên aliyê Ewropayê pir zêde bû. Li navçeyên Beykoz, Sariyer, Eyupsultan, Arnavutkoy, Başakşehîr, Sultangazî û Buyukçekmece, li ser metreçargoşeyê di navbera 50 û 95 kîlogram baran barî. Li navçeyên din, ev mîqdar di navbera 10 û 40 kîlograman de hat pîvandin.

Li Stenbolê barana zêde û bayê xurt tê texmînkirin ku tevahiya rojê bidome. Li Beykoz, Sariyer, Eyupsultan, Başakşehîr, Esenyurt, Buyukçekmece, Avcilar û Kuçukçekmece baran û baranên bihêz tên pêşbînîkirin. Her wiha tê texmînkirin ku carinan ba bi qasî bahozekê tesîrdar be. (ÎLKHA)