Ew alîyên ku beşdarî şerê dawî yê li bazara heywanan a Dîyarbekirê bûne, bi navbeynkarîya HUDA PARê li hev civiyan û dawî li dijminatiya xwe anîn.

Serokatiya Navçeya Yenîşehîrê ya HUDA PARê navbeynkariya şerê bi daran li bazara heywanan kir, ku vê dawiyê bi taybetî li ser medyaya civakî bertekên tund nîşan da.

Endamên malbatên Guler û Savuk ên ku li navenda navçeya Yenîşehirê hatin cem hev, bi navbeynkariya HUDA PARê destên hevdu girtin û hembêz kirin, û wekî sozek ji bo bidawîanîna dijminatiya xwe di bin Quranê de derbas bûn.

Serokê Navçeya Yenîşehîrê ya HUDA PARê Mehmet Demîr di civînê de axivî û got, "Me bi mezinên herdu malbatan re axivî, û şikir ku wan em red nekirin. Niha ne hewce ye ku em li ser vê mijarê bêtir biaxivin. Ji niha û pê ve, wezîfeya me Misilmanan ew e ku em aştiyê bi dest bixin. Xwedê xelatê bide wan kesên ku beşdarî vê yekê bûne. Elhemdulîllah, em axivîn, li hev kirin, û ti pirsgirêk nema."

Demîr diyar kir ku her çend bûyerê tesîrek xerab li ser raya giştî hiştibe jî, di mijarên wiha de li herêmê navbeynkar hene û ev celeb merasîmên aştiyê beşek ji çanda gelê herêmî ne û wiha lê zêde kir:

"Wekî ku hûn dizanin, ev bûyer di çapemeniyê de hate ragihandin, û her çend bandorek neyînî li ser bajarê me çêkir jî, kesên ku di rewşên weha de navbeynkariyê dikin jî hene. Bajarê me bi rastî bajarekî aram e. Bûyerên weha li vir jî diqewimin, wekî her derê, lê şikir ji Xwedê re, malbatan bi berpirsiyarî tevgeriyan, û me pirsgirêk bi awayekî dostane çareser kir. Xwedê ev jî da me. Bila Xwedê wê bike wesîleya qenciyê." (ÎLKHA)