Xeyn ji Erebistana Siûdî, Kuweyt, Urdun û Lubnanê Yekîtîya Ereban û Konseya Hevkarîya Kendavê naskirina serxwebûnîya qaşo ya rejima îşxalker a Girên Golanê ya axên Sûrîyeyê ya ji teref Kolombîyayê ve şermezar kirin.

Welatên Ereb, destnîşan kirin ku ev biryara ku ji teref Kolombîyayê hatîye girtin ne li gorî biryarên hiqûqa navneteweyî û Neteweyên Yekbûyî ye, bang kirin ku bila bireveberîya Bogotayê ji vê biryara xwe paşgav bavêje.

Kolombîyayê, serxwebûnîya Girên Golanê ya ku ji 1967an vir ve di bin îşxala rejima sîyonîst de ye û bi rastîn ew axa Sûrîyeyê nas kir. Ev biryar û naskirin di alema Ereban de bû sedema bertekeke mezin.

Bi tevî Erebistana Siûdî, Kuweyt, Urdun û Lubnanê Yekîtîya Ereban û Konseya Hevkarîya Kendavê jî biryara Kolombîyayê red kirin û bal kişandin ku Girên Golanê li gorî hiqûqa navneteweyî axên Sûrîyeyê ne.

Kolombîya piştî Emrîkayê bû welatê duyemîn ya ku serxwebûnîya Girên Golanê nas kirîye. Bi vê naskirinê tê gotin ku qaşo Girên Golanê ne axên Sûrîyeyê ne, ew aîdê rejima îşxalker in. (ÎLKHA)