Hêzên sîyonîstên îşxalker vê sibehê êrîşî Şerîda Xezeyê kirin, di encama êrîşan de herî kêm 21 Filistînî şehîd bûn, gelek kes jî birîndar bûn.

Artêşa îşxalê, di roja 693yemîn a herba qirkirinê de, bi bomberdmanên hewa û topan, însanên ku ji birçîna dimrin dikujîne.

Qirkirina ku tê kirin bi piştgirî û desteka Emrîkayê tê kirin, bêdengîya civaka navneteweyî û neserfirazîya civaka navneteweyî zêdetir xwe nîşan dide.

Li gorî çavkanîyên mehellî li herêma Mewasîya rojavaya Xan Yûnisê, çadirên ku li derdorê îstasyonên Bî’r 19 û Taberîyeyê ne hatin hedefgirtin, di encamê de 15 kes şehîd bûn, gelek kes jî birîndar bûn.

Li Taxa Tel el-Hava ya başûrrojavaya bajara Xezzeyê jî êrîş li malekî hat kirin, di encamê de 5 kes şehîd bûn, gelek kes jî birîndar bûn.

Li herêma Sudanîya bakurrojavaya Xezzeyê, konên ku mirovên ji cîhê xwe bûbûn di nav de dijîyan hatin hedefgirtin, di encama vê êrîşê de jî 4 kes şehîd bûn, gelek kes jî birîndar bûn.

Hat îfadekirin ku li Kampa Penaberên Bureyca Xezzeya navîn jî malekî hat hedefgirtin, di encamê de 2 kes şehîd bûn, hinek kes jî birîndar bûn.

Deyr el Belahê, li ser Ceddeya Selamê malekî hat bomberdmankirin, kesekî û pîreka wî şehîd bûn, hinek kes jî birîndar bûn. Di heman demê de balafireke bêînsan yê hewayê li ser Ceddeya Ebû Husnîyê sîvîlan hedef girt, di encama wê êrîşê de jî 3 kes şehîd bûn.

Ji serê sibehê heta niha tev de herî kêm 21 kes şehîd bûne. (ÎLKHA)