UNRWA, daxuyand ku ji ber dorpêça rejima îşxalker bi hezaran tirên ku ehemmîyeta wan a jîyanî hene nikarin bikevin nav Xezzeyê.

UNWRA diyar kir ku li alîyê têketina Xezzeyê nêzê 3 hezar tirên alîkarîyê li hêvîya destûrdayînê ne, encax ji ber dorpêça ku rejima îşxalker pêk tîne van tiran hêna jî nikarin bikevin nav herêmê.

Ajans, destnîşan kir ku di nav tiran de amûrên jîyanî wek xwarin, derman û amûrên alîkarîya însan hene. Di daxuyanîyê de bal hat kişandin ku her roj ku van tiran bêne sekinandin û wan alîkarîya ji Xezzeyê re neyên xistin rewşa Xezzeyê dikeve nav talûkeyeke mezin.

Rayedarên UNRWAyê weha gotin, “Van wesayîtên alîkarîyê tenê amûran bar nakin; di heman demê de ji bo bi hezaran însanên ku bi birçîbûnîyê re micadeleyê dikin hêvîyê bar dikin. Encax astengîyên rejima îşxalker, encamên ne însanî derdixe holê.”

Ji ber êrîş û dorpêça ku mehan e li Xezzeyê tê kirin nexweşîn, birçîbûnî û bêavî belav bûye. Li gorî raya giştî ya navneteweyî, astengkirina alîkarîyan a ji teref rejima îşxalker, di warê sûca herbê de tê nirxandin. (ÎLKHA)