Hêzên îşxalker hebûna xwe ya leşkerî li deverên niştecihbûnê yên El Xelîlê zêde dikin. Êrîşên li ser bajêr di roja nehan de li pey hev berdewam dikin.

Ji ber tedbîrên leşkerî û êrîşên ku ji aliyê artêşa îşxalker ve li ser bajêr ji 23ê Cotmehê ve hatine kirin, bi hezaran Filistînî ji cih û warên xwe bûne, bi dehan kes hatine girtin, gelek mal û tesîs wêran bûne û ziyaneke mezin gihîştiye binesaziyê.

Artêşa îşxalker taxa Eyn Dêr Beha dorpêç kir û serde girt, gelek ciwanên Filistînî desteser kir.

Hat ragihandin ku leşkerên îşxalker bi rêya hoparloran êrîşî taxê kirine û ew wekî "herêma qedexe" û "herêma leşkerî ya girtî" îlan kirine, tevger û hebûna li herêmê qedexe kirine.

Li gorî agahiyan, li taxa Tel Rumeyda ya El Xelîl, malbateke ku zeytûnan berhev dikir, rastî êrîşê hat ku çeteyên cihûyan erdên Filistînê desteser kirine. Tê gotin ku îşxalkeran bi xaza îsotê li ser malbatê reşandine, kevir avêtine ser wan û berhemên wan dizîn.

Hêzên sîyonîstan li Cenîn, Nablus, Erîşa, Qelqelye û Qudsa Rojhilat ên Şerîeya Rojava ya îşxalkirî di serdegirtinan de jin û du zarok jî di nav de 7 Filistînî desteser kirin.

Di serdegirtinên ku li bajarok û taxên seranserê Cenînê hatin kirin de 5 kes hatin desteserkirin, her wiha pereyên ku di wesayîtên li çarrêya Caba de hatibûn rawestandin jî hatin desteserkirin. (ÎLKHA)