Di êrîşên asmanî yên li ser bajarokê Kefer Rumman li başûrê Lubnanê de, 11 kes, ku du ji wan pitik in, hatin kuştin û pênc jî birîndar bûn.

Di êrîşên balafirên şer ên rejîma sîyonîst li ser başûrê Lubnanê de 11 kes hatin kuştin û 5 kes jî birîndar bûn.

Êrîşa yekem avahiyek sê qatî li bajarokê Kefr Rummanê hedef girt.

Di êrîşê de, ku piştî nîvê şevê pêk hat, avahî bi tevahî hilweşiya, û cenazeyên 9 kesan, ku 2 ji wan pitik bûn, ji bin xirbeyan hatin derxistin, her wiha 5 kesên birîndar jî hatin rizgarkirin.

Di êrîşeke din a li bajarokê de, wesayîteke sivîlan jî hedef hat girtin. Du xebatkarên tenduristiyê yên bi navê Elî Şahrur û Hadî Ferhat, ku girêdayî Skautên Îslamî yên Rîsaleyê bûn û di wesayîtê de bûn, şehîd bûn.

Balafirên şer ên rejîma sîyonîst her wiha li ser deverên cuda yên başûrê Lubnanê, di nav de bajarokên Nebatiye el-Fuka û Erebselîmê, êrîşên hewayî pêk anîn. Di yek ji êrîşan de li Erebselîmê, xaniyekî Mûsa Şerara hat wêrankirin.

Êrîşên rejîma sîyonîst li ser Lubnanê tevî agirbesta qaşo bênavber berdewam dikin. (ÎLKHA)