Wezareta Parastinê ya Rûsyayê ragihand ku li Ukraynayê li dijî tesîsên binesaziya enerjî û veguhastinê yên ku ji bo armancên leşkerî têne bikar anîn êrîş pêk anîne û di 24 saetên dawî de zêdetirî 1500 leşkerên Ukraynayê hatine bêtesîrkirin.

Di brifînga rojane ya wezaretê de pêşketinên dawî yên derbarê operasyonên ku artêşa Rûsyayê li Ukrayna û Donbassê di çarçoveya "operasyona leşkerî ya taybet" de pêk anîne, hatin parvekirin.

Li gorî daxuyaniyê, balafirên şer ên taktîkî, balafirên bêmirov, yekîneyên mûşek û topan bi tevahî li 143 hedefan xistin, di nav de binesaziya sotemenî, enerjî û veguhastinê ya ku ji hêla artêşa Ukraynayê ve tê bikar anîn, û her weha xalên bicîhbûna demkî ya leşker û kirêgirtiyên biyanî.

Wezareta Parastinê ya Rûsyayê îddîa dike ku di 24 saetên dawî de 1540 leşkerên Ukraynayê hatine bêtesîrkirin û 12 wesayîtên şer ên zirxî jî hatine îmhakirin.

Wezaretê her wiha îddîa kir ku pergalên parastina hewayî yên Rûsyayê 13 fuzeyên rêberkirî û 774 balafirên bêmirov ên aîdî artêşa Ukraynayê bêbandor kirine. (ÎLKHA)