Serokê Emrîkayê Donald Trump "operasyoneke aborî" ya bêhempa li dijî Îranê ragihand û welatên ku piştgirîya rejîma Tehranê dikin bi encamên aborî yên giran tehdîd kir.

Trump di posteke medyaya civakî de îddîa kir ku ji bilî wî kesî derfet nedaye Îranê ku rêkeftinekê bike.

Trump destnîşan kir ku Îran di karîbû ji vê derfetê sûd werbigire û got, "Ji ber vê yekê, îro, ez operasyona aborî ya herî wêranker a ku li dijî welatekî hatiye kirin radigihînim. Ev ew ê bibe şerê aborî û tecrîdek di asteke bêhempa de."

Trump îddîa kir ku hêza deryayî ya Îranê hatiye wêrankirin, hêza wê ya hewayî hatiye tunekirin, kargehên wê yên leşkerî bûne xirbe, pereyê wê bêqîmet e, û welat bi têlekî daliqandî ye.

Trump, ku li welatên ku piştgiriyê didin Îranê jî tehdîd kir, wiha domand:

"Îro ez her wiha diyar dikim ku her welatek ku destûrê dide saziyên darayî, şîrket, balafirgeh an saziyên dewletê ku her cure xeta jiyanê ji bo Îranê peyda bikin, ew ê bi encamên aborî yên mezin re rû bi rû bimîne. Qaçaxçîtiya petrolê, xetên danûstandinê, veguhastina pereyan, ofîsên guhertina pereyan, qeydên keştiyan, şîrketên sexte, divê ev hemû tavilê werin rawestandin. Hûn dizanin hûn kî ne." (ÎLKHA)