9 kesên ji Xezzeyê yên ku di zindanên sîyonîstan de êsîr hatibûn girtin, serbest hatin berdan.

Sîyonîstên îşxalker di saetên êvarê de neh êsîrên Filistînî ji Xezzeyê bi rêya deriyê sînor ê Kerem Ebû Selemê berdan.

Êsîrên serbestberdayî ji aliyê Komîteya Xaça Sor a Navneteweyî ve ji bo dermankirin û lênêrîna tenduristiyê ji Kompleksa Tenduristî ya Nasir re hatin veguhestin.

Bi hezaran Filistînî ji Şerîda Xezzeyê di girtîgeh û navendên ragirtinê yên di bin îşxala sîyonîstan de ne, bi darê zorê têne windakirin û ji malbatên xwe têne veqetandin. Ji ber vê yekê, fikarên li ser çarenûsa êsîrên Filistînî zêde dibin.

Li gorî daneyên herî dawî yên ku ji aliyê saziyên êsîrên Filistînî ve di destpêka Tîrmeha 2026an de hatine weşandin, di girtîgehên îşxalkerê sîyonîst de nêzîkî 9.400 êsîrên Filistînî hene; di nav wan de 1.320 êsîrên ji Şerîda Xezzeyê hene ku rayedarên îşxalker wan wekî "şervanên neqanûnî" bi nav dikin. (ÎLKHA)