Serokê Venezuelayê Nicolas Maduro li ser destûrdayîna Serokê Emrîkayê Donald Trump ji bo CIAyê ku li Venezuelayê bixebite bi beheneya "têkoşîna li dijî maddeyên hişber" bertek nîşan da û got, "Ji guhertinên rejîmê û darbeyên ji hêla CIAyê ve tên piştgirîkirin re na!"

Serokê Emrîkayê Donald Trump ji Ajansa Îstixbarata Navendî (CIA) re destûrê da ku di çarçoveya "şerê li dijî narkotîkê" de li axa Venezuelayê operasyonan bike, Maduro jî ji vê destûrdayînê re bertekek tund nîşan da.

Maduro di televîzyona dewletê VTV de axivî û got, "Ji darbeyên ku ji hêla CIA ve têne piştgirî kirin re na. Ji guhertina rejîmê re na." Maduro operasyonên berê yên Emrîkayê li Efxenistan, Îraq û Lîbyayê bi bîr xist û got, "Her siyasetek bi vî rengî têk çûye."

Maduro tekez kir ku bi hezaran kes di derbeyên piştgirîya CIAyê de li Emrîkaya Latîn jiyana xwe ji dest dane û got, "Ji derbeyên piştgirîya CIAyê re ku 30.000 kesên ku bi destên vê rêxistinê winda bûne re na, derbeyên li Arjantînê, derbeya Pinochet li Şîliyê û 5.000 kesên ku hatine kuştin an winda bûne tînin bîra me."

Trump di daxuyaniya xwe ya 14ê Cotmehê de ragihand ku şeş kes di operasyoneke li ser keştiyekê de ku tê îddîakirin qaçaxçîtiya narkotîkê kiriye li peravên Venezuelayê hatine kuştin û destûr hatiye dayîn ku CIA li ser axa Venezuelayê operasyon bike. (ÎLKHA)