Weqfa Êtîman bal kişand ser krîza mirovî ya li Xezzeyê û diyar kir, "Niha dem hatiye ku balê bikişînin ser trajediya mirovî ya li Xezzeyê û careke din wijdan şiyar bibin."

Di daxuyaniyek nivîskî de, weqfê krîza mirovî û qirkirina li Xezzeyê nirxand.

Weqfê tekezî li ser pêwîstiya eşkerekirina rastiya bi êş a li pişt vegotinên bi navê "agirbestê" yên ku piştî mehên hovîtiya ku cîhanê dîtibûn hatin, kir û got, "Dem hatiye ku em ji bo balkişandina ser trajediya mirovî ya li Xezzeyê û careke din şiyarkirina wijdan tevbigerin."

"Tenê tiştê ku li Xezzeyê guheriye ev e ku êş zêde bûne"

Mixabin, Weqfa Êtîman destnîşan kir ku belgeyên îmzekirî, sozên navneteweyî û gotinên xweş ên welatên garantor ji bo rawestandina xwînrijandina li Xezzeyê têrê nekirine.

Rejîma îşxalker êrîşên xwe bi bêcezatiyek zêdetir didomîne, mirovên bêguneh dike hedef û qirkirineke sîstematîk pêk tîne.

Weqfê diyar kir, "Mirov nikarin bigihîjin pêdiviyên herî bingehîn: xwarin, av û derman. Dema ku zarok bi birçîbûnê re têdikoşin, sermaya dijwar a zivistanê û baranên dijwar konên demkî di bin avê de hiştine."

Weqfê, bang li hemû mirovahiyê kir ku dilê wan hîn jî lê dide, rêxistinên civaka sivîl û her kesê li cîhanê ku edalet û dilovaniyê dixwaze, û got, "Bi vê zilmê re hîn nebin! Vê rewşa nemirovane normalîze nekin!"

Weqfa Êtîman, ku banga berdewamiya çalakî û berxwedanê jî kir. (ÎLKHA)