Li Xezzeyê, ji êrîşên ku ji aliyê îşxalkerên sîyonîst ve di 7ê Cotmeha 2023an de dest pê kirin, hejmara şehîdan gihîştiye 74 hezar û 392 kesan, hejmara birîndaran jî gihîştiye 175 hezar û 440 kesan. Ji dema ku agirbest ket meriyetê ve, 1501 Filistînî şehîd bûne.

Çavkaniyên ji Wezareta Tenduristiyê ya Filistînê bîlançoya nû ya êrîşên li ser Xezzeyê û rewşa birîndarên di êrîşên berê de eşkere kirin. Li gorî van hejmaran, hejmara Filistîniyên ku ji 7ê Cotmeha 2023an vir ve hatine kuştin gihîştiye 74 hezar û 392 kesan û hejmara birîndaran jî gihîştiye 175 hezar û 440 kesan.

Di 24 saetên dawî de 3 şehîd û 17 birîndar bo nexweşxaneyên li Xezzeyê hatine veguhastin. Hate diyarkirin ku yek ji şehîdan kesekî ku berê birîndar bûbû û di dema dermankirinê de miribû bû.

Ji dema ku agirbest di 11ê Cotmeha 2025an de dest pê kir, hejmara Filistîniyên ku di encama êrîş û bûyeran de şehîd bûn gihîştiye 1501î, hejmara birîndaran jî gihîştiye 5323an. Di heman heyamê de, termên 838 şehîdan ji bin xirbeyan hatin derxistin. (ÎLKHA)