Tevgera Hamasê êrîşa ku ji teref îşxalkerên sîyonîst ve bi dronan li ser Keştiya Azadiyê, ku ji bo gihandina alîkariya mirovî bo Xezzeyê di avên navneteweyî de bi rê ket, doh êvarê pêk anî, wekî terorîzma dewletê ya rêxistinkirî û korsaniya li deryayên vekirî bi nav kir.

HAMAS di daxuyaniyek nivîskî de diyar kir ku ev kiryar êrîşeke eşkere ya rejîma îşxalker li dijî mirovahiyê, hiqûqa navneteweyî û lêgerîna edaletê ye û wiha got, "Vê sûc careke din karakterê terorîst û nasnameya dijîmirovane ya avahiya sîyonîst eşkere kir."

Di daxuyaniyê de hat destnîşankirin ku jiyana çalakvan û ekîba keştiyê di talûkeyeke cîddî de ye û hikûmeta îşxalker a faşîst berpirsiyariya tevahî ya vê êrîşê digire ser xwe. HAMASê diyar kir, "Em bi dil û can hewildanên van dilxwazên wêrek silav dikin û diyar dikin ku em di têkoşîna wan de li kêleka wan in."

HAMAS bang li hemû welatên cîhanê kir ku vê êrîşa hovane şermezar bikin, û diyar kir ku Neteweyên Yekbûyî û saziyên peywendîdar, bi taybetî Konseya Ewlehiyê ya Neteweyên Yekbûyî, divê êrîşên rejîma îşxalker rawestînin û rayedarên ku di sûcên şer de beşdar in, radestî dadgehê bikin. (ÎLKHA)