Meclîsa rejima îşxalker, pêşnûma qanûna ku dibêje di aparloyên camîyên li Qudsê û axên Filistîna 1948an ên îşxalkirî de azan were qedexekirin, di xwendina pêş de hat qebûlkirin.

Derheqê vê meseleyê de jî ji teref Hamasê ve daxuyanîyek hat dayîn û ev qebûlkirinê wek “Herba dîn a li hember nasnameya Îslamî ya Filistînê tê meşandin” wesifand.

Pêşnûmaya ku ji teref Partîya Hêza Cihûyî ku di bin serokatîya wezîrê ewlehîya netewî ya sîyonîstan Ben-Gvir e ve de hatibû dayîn, di meclîsa ku 150 kursî hene de bi 50 dengên “Erê” û 36 dengên “Na” ve merhaleya ewil derbas kir. Ji bona ku ev pêşnûma bibe qanûn piştî pêvajoya komîsyonê divê ji sê dengdayînên cuda jî derbas bibe.

Li gorî vê pêşnûmaya ew ê azan di aparloyan de were qedexekirin, dema ku ev qedexe neyê gohdarkirin midexele ji camîyan re were kirin, wê dest bê dayîn li ser aparloyan û ji bona ku li gorî qanûnê nehatîye tevgerandin cezaya pereyê were birîn.

Li gorî pêşnûmayê ew ê ji mizgeftên ku li gorî qanûnê tevnegerin re hetanî 50 şekelê wê dikaribin cezayê lê bibirin.

Hamasê jî di daxuyanîya ku da de, îfade kir ku ev pêşnûmaya qanûnê “exlqeyeke nû ya herba dîn” a li hember gelê Filistînê, Mescîdî Eqsa, pîrozbahîyên dinê yên Îslamê û nasnameya Filistînê ye.

Di dawîya daxuyanîyê de banga parastina axên pîroz hat kirin. (ÎLKHA)