Erdên Filistînîyên gundê Um Safaya bakurrojhilata Ramallahê, ji teref çeteyên Cihûyî û leşkerên îşxalkeran ve hatin xerakirin. Çeteyên ku erdekî sê donim bi buldozeran xera kir, bi dehan darê mêwan ji kokê rakirin, bîrekî jî bi axê tijî kirin.

Çeteyên Cihûyî yên di bin parastina rejima sîyonîst de ne, li gundê Um Safaya Ramallahê ji talenekî nû re îmze avêt. Çeteyên ku bi tevî terorîstên sîyonîstan hatin gund, erdekî sê donim ku aîdê Filistînîyan e bi wesayîtên kar xera kirin.

Li gorî agahîyan li herêma “Cebel er-Ras”ê bi dehan darê mêwan ji kokê hatin rakirin. Çeteyan qîma xwe bi vêya neanîtin û bîrekî aîdê Xalid Allan jî bi axê tijî kirin.

Hat îfadekirin ku sîonîstan ev bû du hefteye ku nahêlin Xalid Allan biçe mala xwe. Mala Allan, li nêzê noqteya îşxalê ku sîyonîstan bi neqanûnî çêkirbûn e. (ÎLKHA)