Çapemenîya rejîma sîyonîst îddîa kir ku artêş ji bo şerekî mezin ê muhtemel li Lubnanê amadekariyan dike ku dikare çend rojan bidome.

Her ku êrîşên hewayî û bejayî li başûrê Lubnanê berdewam dikirin, van pêşketinan di derbarê pêşeroja danûstandinên Lubnanê yên bi navbeynkariya Washingtonê de pirs derxistin holê.

Televîzyona Kanala 12 a rejîma sîyonîst ragihand ku artêşa îşxalker ji bo pevçûnek nû li Lubnanê ku dikare çend rojan bidome, amadekariyan dike.

Kanala 12, bi zarê çavkaniyên leşkerî yên nenavkirî, ragihand ku artêş amadekariyan dike ku êrîşên xwe berfireh bike, bi taybetî jî binesaziya ku tê îddîakirin ku ya Hîzbullahê ye hedef bigire.

Di raporê de hat îddîakirin ku artêşa îşxalker vê dawiyê hinek planên êrîşê ji bo pejirandinê pêşkêşî rêveberiya sîyasî kirine, lê hikûmetê ji bo ku tesîreke xerab li ser danûstandinên bi navbeynkariya Emrîkayê yên bi hikûmeta Lubnanê re neke, red kiriye ku hinek ji wan pesend bike.

Ev rewş nîşan dide ku di navbera amadekariyên leşkerî yên li ser erdê û destpêşxeriyên dîplomatîk de rageşiyek zêde heye. (ÎLKHA)