Alîkarê Sekreterê Giştî yê Mesulê ji Karên Însanî yê Neteweyên Yekbûyî û Koordînatorê Alîkarîya Acîl Martin Griffiths, destnîşan kir ku li Xezzeyê rewş ketîye nav merhaleyeke krîtîk.

Griffiths, li ser hîsabê xwe yê medyaya civakî daxuyanîyek parve kir û di daxuyanîya xwe de weha got:

“Li Xezzeyê rewş ketîye nav merhaleyeke nû ya krîtîk.

Operasyonên dawîn û emra tehlîyeyê ya îsraîlê ew ê bibe sedema mirinên  zêde û ji cîhê xwe bûnê.

Tenê di nav çend rojên dawîn de bi dehhezaran însan bi zorê ji cîhê xwe bûn.

Girtina derîyê Refahê ji gihaştina sotemenîyê re astengîyê derdixe û gihandinê qut dike û sewqa alîkarî û personelan jî dike nav zehmetîyê.

Divê sîvîl bêne parastin û an ji cîhê xwe derkevin an jî dernekevin divê lazimatîyên wan bêne temînkirin.

Ji bo tehlîyeyê jî rêyeke ewle bê çêkirin.

Ekîbên me hêna jî li Refaha ku 600 hezar hebên wan zarok in û ji 1 milyonî zêdetir însan li wê derêne ne. Xeyn ji vana em giranîya xwe didin alîyê bakur.

Em bi qerarin ku çi dibe bila bibe em ê ji însanan re alîkarîyên xwe bidomînin.” (ÎLKHA)