لە وڵاتی ڤیێتنام بەهۆی گەردەلوول بەڵێمێک نوقم بوو. لە ئەنجامی رووداوەکەدا ٣٧ کەس گیانیان لەدەستدا و ٥ کەسیش بێ سەروشوێنن.

رووداوەکە لە کەنداوی ها لۆنگ بەهۆی بای توند و گەردەلوول رووی دا. بەڵەمەکە هەڵگری ٤٨ سەرنشین و ٥ کارمەند بوو و بەهۆی بای توند بە جارێکدا نوقم بوو.

لە ئەنجامی چالاکییەکانی فڕیاگوزاری ١١ کەس بە زیندوویی رزگار کران و تاوەکو ئێستا تەرمی ٣٧ کەسیش دۆزرایەوە. چالاکییەکان بۆ دۆزینەوەی ٥ کەسی بێ سەروشوێن بەردەوامە.

تیمەکانی ئاسایشی سنوورەکان، هێزەکانی دەریایی، پۆلیس و بەندەرەکان بەشداریان لە چالاکییەکانی گەڕان کردووە.

بەرپرسان جەختیان لەوە کرد کە بەهۆی بوونی بای توند و گەردەلوول دەبێت هاوڵاتیان ئاگادار بن و لەبارەی هاتوچۆی دەریایی رێنماییەکان توندتر جێبەجێ دەکەن.(İLKHA)