رژێمی داگیرکەری سەهیۆنی بەردەوامە لە هێرش سەر غەززە و لە کاتی هێرشەکاندا بە تایبەت خاڵەکانی دابەشکردنی هاوکاری دەکاتە ئامانج. لە ئەنجامی هێرشەکاندا لانیکەم ٤٧ کەس شەهید بوون و دەیان کەسیش بریندار بوون.

رژێمی داگیرکەری سەهیۆنی ئەمڕۆ بەیانی دووبارە دەستی بە هێرشی توند بۆ سەر غەززە کرد. لە ئەنجامی هێرشەکاندا لانیکەم ٤٧ کەس شەهید بوون. ٣٢ کەس لە شەهیدەکان لە کاتی نۆرەی وەرگرتنی هاوکاری مرۆیی شەهید بوون.

لە ڕۆژئاوای شاری رەفەح لە ئەنجامی هێرشی داگیرکەران بۆ سەر خاڵی دابەشکردنی هاوکاری مرۆیی ٣ مەدەنی دیکە شەهید بوون و ژمارەی شەهیدەکان گەشتە ٣٥ کەس.

لە ئەنجامی بۆردومانکردنی خێمەکانی ئاوارەکان لە ڕۆژئاوای شاری خان یونس ٢ کەس شەهید بوون.

هێرشێکی دیکە بۆ سەر شوێنی کۆبوونەوەی هاوڵاتیان لە شاری جیبالیا لە باکووری غەززە ئەنجام درا. لە ئەنجامی هێرشەکەدا ٧ کەس شەهید بوون و ١٧ کەسیش بریندار بوون.

لە ئەنجامی هێرشێکی دیکە بۆ سەر باڵەخانەیەک لە نزیکەی نەخۆشخانەی شیفا لە ڕۆژئاوای شاری غەززە ژمارەیەکی زۆر کەس بریندار بوون.

ئەم هێرشانە جارێکی دیکە نیشانیان دا کە رژێمی داگیرکەر هەوڵ دەدات بە گەماڕۆ و هێرشی راستەوخۆ گەلی فەلەستین لە ناو ببات.(İLKHA)