هێرش بۆ سەر غەززە: ٧ شەهید
13 oC
13 oC
Güneşli
13 oC
Güneşli
رژێمی سەهیۆنی قوتابخانە و خاڵەکانی دابەشکردنی یارمەتییەکانی کردە ئامانج کە پەنابەران لە غەززە تێیدا دەمێننەوە. لەو هێرشانەدا لانیکەم ٧ فەلەستینی شەهید بوون کە یەکێکیان منداڵە و ژمارەیەکی زۆریش بریندار بوون.
رژێمی سەهیۆنی درێژەی بە هێرشەکانی بۆ سەر خەڵکی سڤیل لە کەرتی غەززە دا و جارێکی دیکە فەلەستینییەکان و پەنابەرانی داوای یارمەتی دەکرد کردە ئامانج. لەو هێرشانەدا لانیکەم ٧ فەلەستینی شەهید بوون و ژمارەیەکی زۆر لە خەڵکی مەدەنیش بریندار بوون.
قوتابخانەی عەمری کوڕی عاس کە دەکەوێتە گەڕەکی شێخ رضوان لە باکووری غەززە و خەڵکی سڤیلی ئاوارە لەوێدا پەنایان دەگرت، لەلایەن فڕۆکە جەنگییەکانی سەهیۆنی بۆردومان کرا. لەو هێرشەدا ٣ فەلەستینی شەهید بوون.
لە ناوەڕاستی غەززە، لە نزیک پردێکی نزیک گوندی ئەلمەغرەقە، تەقە لە خەڵکی سڤیل کرا کە چاوەڕێی هاوکاری بوون. لەو هێرشەدا فەلەستینییەک کوژرا. هەروەها لە ئەنجامی هێرشەکانی خاڵی دابەشکردنی هاوکارییەکان لە شەقامی سەلاحەدین دوو کەس کوژران و هاوڵاتییەکی زۆریش بریندار بوون.
لە گەڕەکی ژاپۆن لە ڕۆژئاوای شاری خان یونسی باشوور، خێوەتێک کرایە ئامانج کە شوێنی نیشتەجێبوونی پەنابەرانی تێدابوو. لەم هێرشەدا کەسێک کوژرا و وەک ناوچەکانی دیکەش ژمارەیەکی زۆر لە خەڵکی مەدەنی بریندار بوون. هەروەها کەمپەکانی چادر بە تایبەتی لە باکووری ڕۆژئاوای خان یونس بەهۆی هێرشی فڕۆکەی بێفڕۆکەوانەوە زیانێکی زۆریان بەرکەوتووە.
سیاسەتەکانی رژێمی سەهیۆنی لە برسیکردن، گەمارۆدان و بەئامانجگرتنی سیستماتیکی، ڕۆژانە بارودۆخی ژیانی خەڵکی مەدەنی لە غەززە خراپتر دەکات. سەدان هەزار ئاوارە لە خەباتدان بۆ ئەوەی لە پەناگەدا بژین کە لە قوتابخانەکان، چادرەکان، یان لەسەر شەقامەکاندا بەکاردەهێنرێن و بەردەوام دەکرێنە ئامانج.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٧ هەزار و ٧٦٥ کەس و ژمارەی بریندارەکانیش گەشتە ١٤٠ هەزار و ٤٨٥ کەس.
ژمارەیەکی زۆر لە دامەزراوە ئیسلامییەکان و کۆمەڵەی زانایان لە سەرانسەری جیهان بەیاننامەیەکی هاوبەشیان بڵاوکردەوە و هێرشی سەهیۆنییەکان بۆ سەر خاکی سوریایان شەرمەزار کرد.
رژێمی داگیرکەری سەهیۆنی بەردەوامە لە هێرش سەر غەززە و لە کاتی هێرشەکاندا بە تایبەت خاڵەکانی دابەشکردنی هاوکاری دەکاتە ئامانج. لە ئەنجامی هێرشەکاندا لانیکەم ٤٧ کەس شەهید بوون و دەیان کەسیش بریندار بوون.
ئەبو عوبەیدە وتەبێژی کەتائیبی قەسام لقی سەربازی حەماس وتی، "ئەی سەرۆکان، حیزبەکانی گەورە و زانایانی ئوممەت! لەکن خودا ئێمە لە ئێوە گلیدار دەبین. ئێوە لە داوای هەر یەتیم، بیوەژن، کۆچبەر، بریندار و برسی بەرپرسیارن. قورسی خوێنی دەیان هەزار بێ تاوان لە ئەستۆی ئێوەدایە."
