13 oC 
Güneşli
سەرۆکایەتی کاروباری مرۆیی و یاسایی هودا پار لەبارەی مردنی گوماناوی ڕۆژین کابائیش ڕاگەیەندراوێکی بڵاو کردەوە و لە ڕاگەیەندراوەکەدا ئاماژە بەوە کراوە، ئەو ئیدعایانەی کە لەم دواییانەدا لە نێو خەڵکدا دەرکەوتوون، جێگەی نیگەرانین و داوای لێکۆڵینەوەیەکی کاریگەر و بێلایەنانە دەکەن.
سەرۆکایەتی کاروباری مرۆیی و یاسایی هودا پار لەبارەی مردنی گوماناوی ڕۆژین کابائیش قوتابی زانکۆی ٧٠٠مین ساڵی پارێزگای وان ڕاگەیەندراوێکی بڵاو کردەوە و ڕاگەیاند، "ئەو ئیدعایانەی کە لەم دواییانەدا لە نێو خەڵکدا دەرکەوتوون نیشان دەدەن کە ناتوانرێت رووداوەکە وەک 'کەیسی خۆکوشتن'ێکی سادە دابخرێت."
"زانیارییە ناکۆکەکان و وردەکارییە ئاشکرانەکراوەکان ڕۆژ بە ڕۆژ نیگەرانی گشتی زیاتر دەکەن"
لە ڕاگەیەندراوەکە ئاماژە بەوە کرا کە لەگەڵ ئەوەی ساڵێک بە سەر رووداوەکەدا تێپەڕیوە بەڵام هێشتا لە ناو کەیسەکەدا پرسیارەکان هەن کە وڵامیان نەدراوە و دواتر هاتووە، "زانیارییە ناکۆکەکان و وردەکارییە ئاشکرانەکراوەکان کە لە لێکۆڵینەوەکانی شوێنی تاوان و ڕاپۆرتەکانی پزیشکی دادوەریدا سەرهەڵدەدەن، ڕۆژانە نیگەرانی گشتی زیاتر دەکەن. تۆمەت و دۆزینەوە نوێیەکان کە لەم دواییانەدا سەریان هەڵداوە، بە ڕوونی ئەوە دەردەخەن کە ناتوانرێت ڕووداوەکە وەک "دۆسیەیەکی خۆکوژی" سادە دابخرێت."
لە بەردەوامی ڕاگەیەندراوەکە بانگێشت کرا کە دەبێت دەزگاکانی ئیداری و لایەنەکانی دادوەری بە وردی لێکۆلینەوە لەبارەی ئیدعاکان بکەن و "مەرجی هەردوو یاسا و ویژدانیە کە بەڵگەکان بە تەواوی هەڵسەنگێندرێن و پرۆسەکە بە شێوەیەکی شەفافانە لەگەڵ خەڵکدا هاوبەش بکرێت."
"دەبێت ئەو بەرپرسانەی کە کەمترخەمیان کردووە یان هەڵەیان کردووە یانیش بە ئەنقەسد وایان کردووە دەستنیشان بکرێن"
لە کۆتایی ڕاگەیەندراوەکە بانگێشت کرا کە دەبێت رووداوەکە هەرچی زووە بە تەواوی لایەنەکانیەوە ڕوون بکرێتەوە و دواتر هاتووە، "دەبێت ئەو بەرپرسانەی کە کەمترخەمیان کردووە یان هەڵەیان کردووە یانیش بە ئەنقەسد وایان کردووە دەستنیشان بکرێن و هەرچی زووە هەنگاوەکانی پێویست لە دژیان بهاوێژرێت. نابێت ئەوە لەبیر بکرێت کە هەر کەمتەرخەمییەک یان هەوڵێکی پەردەپۆشکردن نەک تەنیا بە بنەماڵەی ڕۆژین کابائیش بەڵکو بە هەستی دادپەروەری کۆمەڵگاش زیانێکی قەرەبوو نەکراوەی لێدەکەوێتەوە."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
یونس ئەمیرئۆغلو وتەبێژی هودا پار وتی، "لە غەززە لەگەڵ ئەوەی ئاگربەست ڕاگەیەندراوە بەڵام ستراتیژیای جینۆساید بەردەوامە."
زوبەیر گولابی سەرۆکی گشتی پارتی لیبەرال لەگەڵ شاندێکی یاوەر سەردانی سەرۆکی گشتی هودا پار کرد.
رەجەب تەیب ئەردۆغان سەرۆک کۆماری تورکیا لە کۆشکی سەرۆکایەتی وڵات پێشوازی کرد لە زەکەریا یاپجیئۆغلو سەرۆکی گشتی هودا پار.
حوسێن ئیمیر سەرۆکی کاروباری دەرەوەی هودا پار ئاماژەی بەوە کرد کە رووداوەکانی سوودان گۆڕاون بۆ شەڕی وەکالەتی هێزەکانی بیانی و وتی، "لە کۆنترۆل دەرچوونی ئەلفاشیر وێنەی کوشتاری هێنایە ئاراوە کە غەززەی بیردەخاتەوە. جیهانی ئیسلامی بێدەنگە، کۆمەڵگەی نێودەوڵەتیش دەبێت هەنگاوی بەپەلە بگرێتەبەر."
