Wezîrê Karên Derve Fîdan: Em pêşwaziya beşdarên nû yên Peymana Mekkeyê dikin
Wezîrê Derve yê Tirkiyê Hakan Fîdan û Wezîrê Derve yê Sûrîyeyê Şeybanî li Enqerê civîneke çapemeniyê ya hevbeş li dar xistin. Fîdan kêfxweşiya xwe ji beşdarên nû yên ku tevlî Peymana Mekkeyê bûne anî ziman.
Şeybanî diyar kir ku 700 hezar Sûrîyeyî vegeriyane welatê xwe û got, "Seferên hewayî yên rasterast bo Şam û Îzmîrê li ser maseyê ne. Em ê girêdana trênê jî bilezînin."
Wezîrê Derve yê Tirkiyê Hakan Fîdan û Wezîrê Derve yê Sûriyê Şeybanî li Enqerê civîneke çapemeniyê ya hevbeş li dar xistin.
Wezîr Fîdan diyar kir ku di hevdîtina îro de wan têkiliyên dualî di hemû aliyan de, bi taybetî di warên parastin û ewlehiyê de, nîqaş kirine.
Hakan Fîdan got, "Di navbera Tirkîye û Sûrîyeyê de hevkariyeke berfireh heye. Em bi bawerî li pêşeroja Sûrîyeyê dinêrin.
Ewlekariya welatekî nikare li ser bêîstîqrariya cîranên wê were avakirin. îsraîl fêm kiriye ku ev yek kar nake. Tirkiye dixwaze ku Sûriye bi cîranên xwe re di aştiyê de bijî.
Girîng e ku têgihîştina me ya xwedîderketina herêmî ya derbarê Peymana Mekkeyê de were pejirandin.
Divê îsraîl dev ji siyaseta xwe ya astengkirina alîkariya mirovî ya bo Xezzeyê berde.
Em hevkariya xwe bi hikûmeta Sûriyeyê re didomînin da ku pêvajoya entegrasyonê temam bikin.
Pêdivî ye Îran îradeya xwe nîşan bide ku pirsgirêkan çareser bike bêyî ku zexteke din lê were kirin. Li Tengava Hurmuzê normalîzekirin pêwîst e. Divê şerên li herêmê rawestin.”
"Gerekên firînê yên rasterast bo Şam û Îzmîrê li ser maseyê bin"
Piştî daxuyaniya Wezîr Fîdan, Wezîr Şeybanî ev nirxandin kir:
"Îro me bi Tirkiyeyê re li ser mijarên herêmî axivî. Yekparçeyiya axa Sûriyeyê hat nîqaşkirin. Me li ser mijarên aborî axivî. Me li ser lezandina projeya girêdana rêhesinê axivî.
Me her wiha li ser girêdana dîjîtal, ku qadeke girîng ji bo piştgiriya bazirganiyê ye, axivî. Me li ser gavên ku dikarin pêdiviyên cotkarên li dora Çemê Firatê bicîh bînin, nîqaş kir.
Firînên rasterast bo Şam û Îzmîrê di rojeva me de ne. Îro, Sûriye deriyên xwe ji bo şîrketên Tirkî vedike. Zêdetirî 700.000 welatiyên Sûrîyeyî vegeriyane welatê xwe. Dabînkirina xanî û pêdiviyên bingehîn ji bo hêsankirina vê vegerê girîng e. Em li ser vê yekê jî bi Tirkiyeyê re dixebitin.
Me têkiliyên xwe yên bi Ewrûpayê re di rêyeke rast de dest pê kirine. Em dixwazin hevkariyê hevrêz bikin. Di navbera me de îradeyeke hevpar heye. Em tenê dest bi danûstandinan dikin, lê îradeya me heye ku em bigihîjin rêkeftinekê." (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Karwanê Hêvîyê, di çarçoveya kampanyaya "Botek û Montek" a ku her sal li dar dixe de, bi hatina hewayên sar re li Dîyarbekirê alîkarîya cil û bergên zivistanê da zarokên hewcedar.
Li ser rêya bejahî ya di navbera navçeya Tetwan a Bedlîsê û Wanê de, li nêzî gundê Koyluca, di qezaya trafîkê de 13 kes birîndar bûn.
Li navçeya Reşadîyeyê ya Tokatê ambûlansek ku diçû îxbarê û mînîbûseke rêwîyan li hev qelibîn. Di encamê de 3 jê tenduristvan 20 kes birîndar bûn.