Li Kirikkaleyê qezayek trafîkê çêbû, otobuseke rêwiyan a ku ji Tekirdaxê ber bi Qeyserîyê ve diçû kontrola xwe winda kir û qulipî. Di encama qezayê de 41 kes birîndar bûn û şofêrê otobusê jî hate binçavkirin.

Qeza, li ser rêya Kaman-Enqereyê ya li nêzîkî Nexweşxaneya Dewletê ya Karakeçili qewimî.

Li ser raporên ji kesên ku li wir diman, piştî ku otobus ji ber windakirina kontrola şofêr wergeriya, AFAD, ekîbên tenduristiyê, îtfaîye, cendirme û polês ji cihê bûyerê re hatin sewqîkirin.

Li gorî raporên ewil, di qezayê de 38 rêwî, 2 şofêr û alîkarê şofêr birîndar bûn. Hat ragihandin ku rewşa sê ji birîndaran giran e. Piştî tedawîyên ewil mirovên birîndar bi ambûlansan ji nexweşxaneyan re hatin rakirin.

Waliyê Kirikkaleyê Huseyîn Engîn Sariîbrahîm li cihê bûyerê axivî û diyar kir ku dibe ku qeşaya ku di sibehê de çêbûye rê şemitok kiribe û qeza jî ji ber vê sedemê çêbûbe. Walî her wiha bal kişand ser girîngiya bikaranîna kemberên ewlehiyê jî.

Sariîbrahîm piştî qezayê ji rêwiyan re lîfayê daxwaz kir û ragihand ku şofêrê otobusê hatiye binçavkirin û lêpirsîna edlî ya li ser bûyerê berdewam dike. Walî paşê cihê qezayê lêkolîn kir û ji rayedaran agahî stand. (ÎLKHA)