Li navçeya Rezan a Dîyarbekirê, di qezayeke trafîkê de ku qamyonek tîpên gazê û wesayîteke bazirganî ya sivik tê de bûn, 2 kesan canê xwe ji dest dan û 12 kes jî birîndar bûn.

Li gorî daxuyaniyek nivîskî ya Walîtiya Dîyarbekirê, li dora saet 22:00an de li çarrêya Hebeşî (Oglakli) ya li ser rêya Mêrdînê qezayek trafîkê ya ku qamyonek bi tîpên gazê barkirî û wesayîtek sivik a bazirganî tê de bûn, qewimî.

Piştî xeberdayînê ji herêmê re 8 ambûlans û 24 personelên tenduristiyê sewqî cihê bûyerê hatin kirin.

Birîndarên ku li cihê bûyerê ji aliyê ekîbên tenduristîyê ve dermankirina destpêkê hatin kirin, bi ambûlansê rakirin nexweşxaneyan.

Di qezayê de 2 kesan canê xwe ji dest dan, 2 jê giran 12 kes jî birîndar bûn.

Li gorî agahiyan, tedawîya birîndaran li nexweşxaneyên bajêr berdewam dike.

Derbarê qezayê de tehqîqata edlî hatiye destpêkirin. (ÎLKHA)