Vedat Karabulut ê 33 salî ku di 14ê Hezîranê de li navçeya Genç a Çewlikê di Çemê Sarûmê de ji ber avê winda bûbû, di roja 17an de mirî hat dîtin.

Vedat Karabulut (33) ku di 14ê Hezîranê de li Çemê Sarûmê ya navçeya Genç a Çewlikê piştî ku ji teref avê ve hat birin winda bû, di roja 17emîn a lêgerînê de mirî hat dîtin.

Bûyer, li Çemê Sarûmê ku di navbera mezraya Kaymaz a gundê Sağgöze ya navçeya Genç û navçeya Lice ya Dîyarbekirê de ye qewimî. Karabulut, ku bi hevalên xwe re ji Dîyarbekirê ji bo pîknîkê hatibû herêmê, ji bona ku xwe hênik bike ket nav avê. Piştî demekê, dema ku hewl dida derbasî aliyê din ê çem bibe, ji aliyê herikîna avê ve winda bû.

Piştî xeberdayînê, ekîb ji herêmê re hatin şandin û operasyoneke lêgerîn û rizgarkirinê ya berfireh bi koordînekirina AFADê dest pê kirin. Di operasyonê de ekîbên cendirmeyan, polêsên noqî avê yên ji Fermandariya Koma Binav Avê ya Daîreya Polêsan a Xarpêtê, ekîbên JAK ji Dîyarbekir û Dêrsimê, û ekîbên lêgerîn û rizgarkirinê yên ji Daîreya îtfaîyeyê ya Şaredariya Bajarê Mezin a Dîyarbekirê beşdar bûn. Di lêgerînê de kamerayên binav, dron û makîneyên giran hatin bikar anîn.

Cenazeyê Karabulut di roja 17emîn a lêgerînê de, bi qasî 2.5 kîlometre dûrî cihê ku ew winda bû, di bin stûna darekê de hat dîtin. Cenaze ji bo otopsiyê morga nexweşxaneyê re hat birin. Lêpirsîna bûyerê berdewam dike. (ÎLKHA)