Li ber êvara Cejna Qurbanê, welatiyên li Dîyarbekirê ji bona ku ji bo hezkiriyên xwe yên mirî dua bikin û Yasîn-î Şerîf bixwînin ji serê sibê ve çûn goristanan.

Serdana goran beriya cejnê, ku li hinek herêman, bi taybetî li rojhilat û başûrê rojhilat, bûye adet, wekî her sal îsal jî bi hejmareke mezin pêk hat.

Goristana Nûjen a Yenîkoyê, ku goristana herî mezin a li Dîyarbekirê ye, beriya cejnê ji mêvanan tijî bû.

Serdanvanên Goristana Nûjen a Yenîkoyê li ser gorên hezkiriyên xwe Quran xwendin û dua kirin.

Welatiyên ku serdana goran beriya cejnê kirine kevneşopiyek, av li ser goran rijandin û ew paqij kirin. Qerebalixa zêde ya wesayît û peyayan bi taybetî li goristanên navendî berbiçav bû.

Welatiyên ku hezkiriyên xwe winda kirine diyar kirin ku cejn hem xemgînî û hem jî hesretê tînin û girîngiya manewî ya serdana goran destnîşan kirin. Malbatên ku bi zarokên xwe re hatine goristanan hem dua kirin û hem jî xizmên xwe yên mirî bi bîr anîn. (ÎLKHA)